وتار
ڕیفراندۆمێکی تر

ھونەر تۆفیق

هەڵبژاردنی ئەم دواییەی عێراق ، بەدەر لەنەخشە ئیقلیمیەکەی وڵاتانی دەرەکی لەناو عێراقدا . نەخشەیەکی سیاسی تری نێوخۆیشی لەنێوان کورد و عێراقدا داڕشتەوە . 

ئەوەی کورد لە ئەنجامی ڕیفراندۆمە فاشیلەکەی ٢٥ ی سێپتەمبەردا لەدەستی دا ، لەم هەڵبژاردنەدا بەدەستی هێنایەوە . 

هەڵەیەی کورد لە ڕیفراندۆمی سەربەخۆییەکەیدا ئەوەبو تاک لایەنە ئەنجامی دا و گوێ ی بەبەشداری و ڕای پێکهاتەکانی دیکەی ناوچە کێشە لەسەرەکان نەدا ، عەرەب و تورکمانەکان بایکۆتیان کرد . بەوەش نا شەرعی بوونی ڕیفراندۆمەکەی لێکەوتەوە چ لەلایەن عێراقەوە یان لەلایەن کۆمەڵگەی نێودەوڵەتیەوە . ئەمجارەیان کورد لە هەڵبژاردنەکەدا بەڕێژەی لەسەدا پەنجا زیاتر شەرعیەتی کوردبوونی خۆی لەو ناوچانە وەرگرتەوە . 

تا ئێرە هەڵبژاردن و ئەنجامەکەی لەو ناوچە کێشە لەسەرانە پرۆسەیەکی سیاسی و دەستوری عێراقیە . چۆنیەتی حکومەت و دەستەڵاتی سیاسی لە عێراقدا دیاری دەکات . بەڵام لەئەنجامە کوردیەکەیدا لە ناوچە کێشە لەسەرەکاندا وەک کەرکوک ، موسڵ ، شەنگال ، خانەقی و هتد ، واقیعێکی سیاسی نوێ نیشانی کورد و تەرەفی بەرانبەری ئەدات . لەو واقیعە تازەیەوە پێویستە کورد بەهەمان ڕێچکە و عەقڵیەتی ڕابردوودا نەڕواتەوە کە لەسەرەتای کەوتنی کۆمارەکەی سەدامەوە خواستی کوردی جیابوونەوە و جیاکردنەوەی ئەو ناوچانەبوو بەلای هەرێمی کوردستاندا . لەم واقیعە تازەیەوە کە لەپاش فەشەلی ڕیفراندۆمەوە هاتۆتە پێشەوە ، دەبێت کورد پرۆژەیەکی نوێ ی هەبێت ، لەئاست ئەم شانسە نوێ یەدا بێت لەو ناوچانەدا . تەنانەت قەوانی مادەی سەد و چلی دەستوری عێراقیش هاوتا و هاوشانی ئەم دابەشکردنەوە نوێ یە نیە . لەبەر ئەوە گۆڕانکاری ڕیشەی لە سیاسەت و دید و بۆچی کوردیدا بۆ ئەو ناوچانە دەبێت ئەولەویەتی سیاسەتی سەرکردایەتی کورد بێت بەهەموو پارتە سیاسەکانی کوردستانەوە .

« ھەموو وتارەکان کەلە تۆڕی ھەواڵی سلێمانی بڵاودەبێتەوە، تەنھا بیروبۆچونی نوسەرەکەیەتی »
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.