وتار
‌​چۆن ڕێگریی لە بەرزبوونەوەی نرخ بکرێت ؟!

عەبدولستار مەجید

 "مریشک و تەماتە" وەک نمونەی ئێستای ھەرێم

لە زانستی ئابووریدا "خواست و خستنەڕوو" ھەیە .

کاتێک پێداویستییەک لە ئاستی بازاڕ زیاتر دەبێت، ئەوە نرخەکەی دادەبەزێ و پێویستە حکومەت و لایەنی پەیوەندیدار ڕێوشوێنی پێویست بۆ ڕاگرتنی باڵانس لە نێوان کڕیار و فرۆشیاردا بدۆزێتەوە .

ئێستا کە باس لە گرانبوونی چوند خۆراکێک دەکرێت لە نمونەی "مریشک و تەماتە" کە خۆراکی ڕۆژانەی ھاوڵاتیانە، دەبێ ھەرچی زووە لایەنی پەیوەندیدار بە پلانی ئابوریی و بەپەلەوە داخڵی بابەتەکە ببێت .

ئەگەر ھۆکاری نرخ بەرزبوونەوەکە، کەمی بەرھەمی ناوخۆیە لەو بابەتە خۆراکییەدا، ئەوا ھانی ھاوردەی بیانی دەدرێت بە بڕێکی دیاریکراو و بە دانانی باج لەسەری تا ھاوسەنگی دەگەڕێتەوە .

خۆ ئەگەر زانرا بەرھەمە ھاوردەکە گرانتر دەکەوێ لەسەر خەڵک، ئەوا باج لەسەری ھەڵدەگیرێت .

خۆ ئەگەر بەرھەمی ناوخۆ زۆرە و بازرگانی ناوخۆ بۆ بەرژەوەندی خۆی دەیەوێ بارگرانی بخاتە سەرشانی خەڵک و بازاڕ ئاڵۆز بکات، ئەوە دیسان ھاوردەی بیانی و لێپرسینەوە و ھۆشداریی ناوخۆ چارەسەرئکی بەپەلەی باشن .

لە ھەر حاڵەتێکدا پێویستە گرنگی بە بەرھەمی ناخۆ بدرێت، تا نەکەوینە ژێر ھەڕەشەی ھیچ وڵاتێکی بێگانە و خاوەنی بەرھەمی خۆمان بین .

حکومەت بەرپرسە لە بەرزبوونەوەی نرخی ھەر پێداویستییەک لە بازاڕدا، چونکە دواجار دەبێ کڕیار سەنتەر بێت و ڕەچاوی دۆخی بازاڕی ناوخۆ و ئاستی گوزەرانی ھاونیشتمانیی بکرێت .

پشتگوێخستنی ھەر جۆرە بەرزبوونەوەیەکی نرخ لەلایەن حکومەتەوە دەبێتە ھۆی ھەڵاوسانی نرخ و ڕووتاندنەوەی گیرفانی خەڵک و باری شان قورسکردنیان، لەگەڵ ھەڵتۆقینی بازرگان و دەوڵەمەندی چاوچنۆک. 

« ھەموو وتارەکان کەلە تۆڕی ھەواڵی سلێمانی بڵاودەبێتەوە، تەنھا بیروبۆچونی نوسەرەکەیەتی »
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.