وتار
دەتوانن یەکتر بسڕنەوە؟

ئاشتی عەبدوڵا

چەند رۆژی رابردوو ناکۆکیەکانی نێوان یەکێتی و پارتی راگەیاندن و سۆشیال میدیای داگیرکرد، گەرچی ئاماژەیەکی فەرمی نەبوو ، بەڵام لەپشت ئەم ناکۆکیانە بڕیارەکانی دەستگیرکردن و ھەڵکوتانە سەر ماڵان، لەبێ ئاگایی و لەخۆرا نەبوو..

دەکرێت خوێندنەوەیەکی دروست ھەبێ بۆ ئەم ناکۆکییانەی ئێستا، بەشێکی سەرەکی پەیوستە بوەی کە تەوقیتەکەی لەگەڵ پێکھێنانی حکومەتەو دابەشکردنی پشک و پۆستەکانە. .

لەبەرامبەر ھەر ھەوڵێکی تەشەنەسەندنی ناکۆکیەکان دەبێت چی بکرێت؟

کاروکاردانەوە بەرامبەر بەکارھێنانی (عەزەڵاتی سیاسی)، (عەقڵی سیاسییە) دەکرێت بۆ ئەم مەبەستە یەکێتی بگەڕێتەوە بۆ سیاسەتەکانی کۆچکردوو ھەڤاڵ مام جەلال و ئێستا کاتی دابەشکردنی ئەو میراتەیە، کە مام جێی ھێشتووە و دەکرێت لەمسی ئەو عەقڵە سیاسیە بکرێت و لەدۆخێکی وادا ھەم ھەڵوێستیان ھەبێ و ھەمیش رێگەنەدەن ناکۆکیەکان پەرەبسەنێت.

(عەزەلاتی سیاسی) گروفڕێکی کاتیە و دووربینی تێدا غائیبە، بەڵام (عەقڵی سیاسی) بەرچاوڕوونی و دەسکەوتی بەدوادادێت.

لەخراپترین دۆخدا لەبری رەوایەتی بەشەڕو ناکۆکی، با ئێمە بەشێک بین لەئاشتی و لەبری بڵاوکردنەوەی گوتاری رق و کینە گوڵ ببەخشین بەمیلەتەکەی خۆمان. نیو سەدەیە ململانێی ئەم دوو ھێزە لەقۆناغی جیاجیادا کوردی لەزۆر دەسکەوت بێ بەش کرد و خەلکی ماندوو کرد، دواجاریش دوای ھەموو ناکۆکیەکان ھەر دەبێت مێزێک کۆیانبکاتەوە.

ناکۆکبوونمان لەگەڵ یەکتری ھیچی لێ سەوزنەبوو، ھەردوو لایەن لەگۆڕەپانی سیاسیدا ھەن و ناسڕێنەوە، چەنێک ناکۆک بین لەگەڵ سیاسەتی پارتی و رەخنەمان لەو ھەموو ستەمە ھەبێ کەھەیە، بەڵام دواجار لەپێناو ئاشتی و ئارامی ، دەبێت بۆ رووبەرووبوونەوە بەعەقڵی سیاسی ھەلوێستمان ھەبێت. .

« ھەموو وتارەکان کەلە تۆڕی ھەواڵی سلێمانی بڵاودەبێتەوە، تەنھا بیروبۆچونی نوسەرەکەیەتی »
Print Friendly and PDF

بابەتی زیاتر
د.بەختیارشاوەیس
سەرکۆ ئازاد گەڵاڵی
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.