وتار
لەدەستدانی کەرکوک، لەدەستدانی بەشێک لەمێژووی گەلەکەمان !

رێزان شێخ دلێر

بەداخ و خەمێکی قوڵەوە کەرکوک و کەرکوکییەکان جارێکی دیکە کرانەوە قوربانی سیاسەتی ھەڵەی چەند بەناو سەرکردەیەکی سیاسی و بۆ ھەمیشە نازناوی نەمری و ئازایەتی کەرکوکییەکان و پێشمەرگەیان لەکەدار کرد. بەداخێکی قوڵترەوە بەوجۆرەی کە پێشتر ھۆشیاریمان لەسەری دابوو، پرسی کورد لەعێراق و ناوچەکە و خەونەکانی بۆ چەندین دەیەی تر دواخرا، یەکێتی نیشتیمانی کوردستان دەریایەک خوێنی لەپێناوی کەرکوک رشتووە و پێویستە لەدۆخی ناھەمواری ئێستاشدا بەپرسیارانە چاو بە سیاسەت و شەریکایەتی خۆی لەگەڵ پارتی و لایەنە سیاسییەکانی دیکەدا بخشێنێتەوە کە ئەمڕۆ گەلەکۆمەکێیەکی بەرنامە بۆ داڕێژراویان بۆسەر یەکێتی دەستپێکرد، پێویستە ھەڵە ستراتیژییەکان خوێندنەوەی وردتریان بۆ بکرێت و رێگەنەدرێت تەواوی دەستکەوتەکانی ھەرێم بکەوێتە مەترسی زیاتر و گەورەترەوە. 

داوا لەسەرجەم لایەنە سیاسییەکان، نوێنەرایەتی و باڵوێزی وڵاتان، نوێنەرایەتی نەتەوە یەکگرتووەکان و سەرجەم رێکخراوە مرۆییەکان دەکەم بەئەرکی بەرپرسیارێتی خۆیان ھەستن و رێگری بکەن لەڕشتنی خوێنی کورد و کەرکوکییەکان. 

سەری رێز بۆ شەھیدەکانی ئەمڕۆی کەرکوک دادەنەوێنم

ھیوای زوو چاکبوونەوە بۆ بریندارەکان دەخوازم

Print Friendly and PDF

بابەتی زیاتر
د.بەختیارشاوەیس
كاروان یاروەیس
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2016 SNN. All Rights Reserved.