وتار
ڕۆڵی پەرلەمانتارانی کورد دوای چارەسەری کێشەی بودجە

ڕزگار حەمەنوری

بەپێی لێدوانەکانی ئەم چەن ڕۆژەی نوێنەرانی کورد لەبەغدا ئاماژەی گەورە هەیە بۆ چارەسەربوونی کێشەی بودجەی هەرێم (ئەگەر لە (100%) یش نەبێ کەئەمە دەستکەوتێکی گەورەیە بەوحوکمەی ڕاستەوخۆ پەیوەستە بە قوتی خەڵک و باری بژێوییان .
 گریمان ئەم خۆزگە گەورەیە هاتەدی و شتێک نەما لەنێوان کوردو بەغدا بەناوی کێشەی بودجە ، ئایا ڕۆڵی نوێنەرانی کورد دوای ڕەوینەوەی ئەم خەمە چی دەبێت؟ هەموو دەزانین یەکێک لە کێشە گەورەو نەتەوەییەکانی نێوان کوردو حکومەتی ناوەندی مادەی (140) ە ، کە درێژکراوەی مادەی (58) یاسای بەڕێوەبردنی دەوڵەتە بۆ قۆناغی گواستنەوە کەتایبەتە بەناوچە دابڕێنراوەکان و بڕگەی دوەمی ئەم ماددەیە دەڵێ (دەسەڵاتی ڕاپەڕاندنی هەڵبژێردراو هەڵدەستێ بە ئاساییکردنەوە ، سەرژمێری ، لەکۆتاییدا ئەنجامدانی ڕاپرسی لەکەرکوک و ناوچەکانی تر کەناکۆکییان لەسەرە بۆدیاریکردنی ویستی هاوڵاتیان لەماوەیەکی دیاریکراو کەلە مانگی 12/2007 تێپەڕ نەکات) ئەوەی جێگای داخە ئەم بەروارەیە ئەمڕۆ (11) ساڵ تێپەڕ بوە بەسەر ئەو سەقفە زەمەنیەی مادەی (140) ئەمە جگەلەوەی کە زۆرجار لەلایەن حکومەتی ناوەندەوە بە فیعلی هەنگاوی ناوە بۆ تەعریبکردنی کەرکوک و ناوچە کوردستانیەکانی تر .
کەواتە ئەرکی نەتەوەیی نوێنەرانی کورد لەبەغدا یەکەم یەکڕیزی و دوەم تێکۆشانی بەردەوامە بۆ چەسپاندنی مادەی (140) چونکە ئاشکرایە ئێمە وەک کورد چەن بەپێویستی دەزانین ئەم ماددەیە بە شێوەی پراکتیکی جێبەجێ بکرێ عەرەبی عێڕاقیش (بەشیعەو سوونەشەوە) هێندە بە پێویستی دەزانن کەجێبەجێ نەکرێ هەربۆیە هەمیشە گەمەی سیاسیمان لەگەڵ دەکەن و بۆئەوەی ئەم ماددەیەو مادە گرنگەکانی تر کە پەیوەستن بەمافی نەتەوەیی کورد دوابخەن و لەبیرمان بەرنەوە بەردەوام کێشەی هەنووکەیی وەک کێشەی (بودجەو پێشمەرگەو داگیرکردنی سەربازی و ..... هتد) مان بۆ دروست دەکەن ، چونکە عەرەبەکانیش باش دەزانن کە بەجێبەجێکردنی ئەو ماددەیە کورد چ لەڕووی نەتەوەییەوە چ لەڕووی سیاسییەوە چ لەڕووی ئابوورییەوە پێگەی زۆر بەهێز دەبێت و باڵانسی لەشەراکەتی حکومەتی ناوەندیدا زۆر بەهێزتر و کاریگەرتر دەبێت لەجاران .

« ھەموو وتارەکان کەلە تۆڕی ھەواڵی سلێمانی بڵاودەبێتەوە، تەنھا بیروبۆچونی نوسەرەکەیەتی »
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.