کۆمه‌ڵایه‌تی
کۆمه‌ڵایه‌تی
بەتەنیا گەشتکردنی خانمان ئەمانە لەژیانی دەگۆڕێت
SNN: 

گەشتکردن دەرفەتێکی گرنگە بۆ مرۆڤ لەپێناو بەدەستھێنانی زانیاری و شارەزایی و ناسینی وڵات و رۆشنبیری نوێ، سەرباری خۆراھێنان لەسەر شێوازی جیاوازی ژیان.
کاتێ ژنان ھەست دەکەن دەتوانن بەتەنیا گەشت بکەن ئەمە دەبێتە ئەزمونێکی نوێ کەرزگاری دەکات لەچەندین کۆت و بەند و ئاستەنگ و بۆچوونی دەگۆڕێ لەبەرامبەر ژیاندا.
لەوبارەیەوە وێب سایتی (سۆت کەتەلۆگ) ٥ شتی راگەیاندوە کەشێوازی ژیانی ژن دەگۆڕێ کاتێ بەتەنیا گەشت دەکات، بەم جۆرە:
١. ناسینی کەسی نوێ: گەشتکردنی ژنان بەتەنیا دەرفەتێک دەبێ بۆ ناسینی کەسانی نوێ و رۆشنبیری نوێ و دەبێتە ھۆی دەوڵەمەند کردنی ئەزمون و ئاسۆی زانیارییەکانی.
٢. دۆزینەوەی ژەمی نوێی خۆراک: بەوپێیەی رۆڵی کەیبانوی ماڵ دەبینێت ژن گرنگی بەخۆراک و ئامادەکردنی دەدات بۆیە گەشتکردن یەکەم ھۆکارە بۆ ناسینی ژەمی نوێ.
٣. ئەزمونی نوێ: کاتێ ژنان بەتەنیا و بێ کۆت و بەندی ئەندامانی خێزان گەشت دەکەن، زیاتر ئازاد دەبن لەجوڵە و ھاتوچۆ و بەئەزمونی نوێدا تێپەڕ دەبن، وەک گەشتکردن و سەرکێشی و چێژ بینین لەسروشتی چیاو کەنار دەریاکان.
٤. ھەست کردن بەئارامی: ئەمەش زیاتر متمانە و بوێری دەکات و ھەست دەکات کەھێشتا جیھان ئارامە و بەو جۆرە نیە کەپێی وابووە.
٥. ھەست کردن بەبەھێزی: ئەمەش دەرفەتێکە تا ژنان پشت بەخۆیان ببەستن و گرنگی بەکاروبارەکانیان بدەن دوور لەھەر جۆرە دەستوەردان و رێنوێنییەک، ئەمەش ھەستی پێ دەدات کەھێندە بەھێزە بتوانێ رووبەرووی ھەر دۆخێکی لەناکاو ببێتەوە ھەر خۆی و بێ پشت بەستن بەکەسی تر.

6 ڕۆژ پێشتر - May 16 2017 10:00AM
1450
بابه‌تی زیاتر