کۆمه‌ڵایه‌تی
کۆمه‌ڵایه‌تی
٥ نھێنی بۆ بەدەستھێنانی متمانەی ھاوسەران
SNN: 

ھاوسەرێتی بەختەوەر و تەندروست لەسەر بنەمای متمانەی ئاڵوگۆرکراوی نێوان ھاوسەران بەرجەستە دەبێت و ھەردولا پێویستیان بەمتمانە بوونە بەیەکتر تا ژیانێکی جێگیر و بەختەوەر و سەقامگیر و بێ گرفت بەسەربەرن.
لەوبارەیەوە وێبسایتی (ئۆل برۆداد) چەند رێنماییەکی بۆ ھاوسەران ئاشکراکردوە بۆ بنیاتی متمانە لەنێویاندا:
١. نەشاردنەوەی نھێنی: شاردنەوەی نھێنی وادەکات گومان نەمێنێت لەنێوانیاندا، دەبێ ھاوسەرەکەت تاکە دەرچەی تۆ بێت بۆ نھێنییەکانت و دەبێ بیرۆکەو ھەستەکانت وەک کتێبێکی کراوەی بەردەم کەسەکەی تر بێت.
٢. خۆت بەدووربگرە لەناپاکی: توێژینەوەکان دەریانخستوە کە ٢٥%ی پیاوان پەیوەندییان ھەیە لەدەرەوەی ھاوسەرێتی، ئەمەش توشی مەترسی رووخانی پەیوەندیی ھاوسەرێتییان دەکات و سەخت دەبێت بنیاتی متمانەی ھاوسەران بکرێتەوە.
٣. خۆ بەدوورگرتن لەدرۆ: ئەمەش وەک دەزانین کەدرۆکردن شتێکی ناتەندروستە لەپەیوەندییە کۆمەڵایەتییەکان و قبوڵ نیە لەپەیوەندیی ھاوسەرێتیدا چونکە درۆکردن یانی بێ متمانەیی پەیوەندییەکە، و دەبێتەھۆی گرفتێک کەھەرەشەیە بۆ بەردەوامی ژیانی ھاوسەرێتی.
٤. ئەنجامنەدانی گۆرانکاری لەناکاو: خۆت بەدووربگرە لەگۆڕانکاری لەناکاوی شێوە و رووخسار و پۆشینی جلوبەرگی گەنجانە چونکە ئەم ھەڵسوکەوتانە دەبێتە ھۆی دروستکردنی نیگەرانی و گومان لای کەسی بەرامبەر.
٥. کاتێ باس لەھاوسەرەکەت و تایبەتمەندییەکانی دەکەیت، ھەوڵ بدە تایبەتمەندییە نەرێنییەکانی ھاورێ و خێزان لای کەسانی تر باس نەکەیت چونکە ئەمە دەبێتە ھۆی کاریگەریی خراپ لەسەر پەیوەندی ھاوسەرێتی و لەدەستدانی متمانە. لەجیاتی ئەوە ھەوڵ بدە سیفەتە خراپەکانی لەگەڵ خۆی و بەھێمنی تاوتوێ بکە. 

4 مانگ پێشتر - Jul 13 2017 8:52PM
7996
بابه‌تی زیاتر