لەکوردستانەوە
کۆمەڵێک ھەنگ لەناو قەنەفەیەکدا کورە دەکەن
SNN: کۆسار مەحمود

لەحاڵەتێکی دەگمەندا لەناحیەی خورماڵی سەر بەپارێزگای ھەڵەبجە کۆمەڵێک ھەنگ لەناو قەنەفەیەکدا ھەوڵی دروستکردنی کورەی ھەنگ دەدەن و خاوەنەکەشی ڕونکردنەوە لەوبارەیەوە دەدات.
"غازی محەمەد" کەھاوڵاتیەکی گوندی زەڵمە و دانیشتوی ناحیەی خورماڵە بەSNNی ڕاگەیاند : لەبەردەم ماڵی خۆماندا قەنەفەمان داناوە بۆ دانیشتن لەبەیانیان و ئێواراندا ، بەڵام لەیەکێک لەقەنەفەکاندا کۆمەڵێک ھەنگی تێدا دەرکەوت.
وتیشی : نزیکەی دوو مانگە ئەو ھەنگانە لەناو قەنەفەکەدان و لە ئێستاشدا ھەوڵی ھێنانی ھەنگی ئاوارەن و ڕۆژانە ژمارەیان زیاتر دەبێت و ئەمەش حاڵەتێکی دەگمەنە چونکە دروستکردنی کورەی ھەنگ شوێنی تایبەتی خۆی ھەیە.
سەبارەت بەکردنەوەی قەنەفەکە ، ئەو ھاوڵاتیە ئاماژەی بەوەکرد : قەنەفەکە ناکەینەوە و چاوەڕێ دەکەین تا وەرزی پاییز و کاتی ھەنگوین کۆکردنەوە ، گەر ھەنگوینی ھەبو ئەوا ھەوڵدەدەین شوێنەکەی باشتر بکەین لەپێناو زیاتر گونجاوی بۆیان.
لەبارەی دابینکردنی خواردن بۆ ھەنگەکان "غازی محەمەد" ڕایگەیاند : باخێک لەبەرامبەرمانە کەشوھەوای گونجاوە بۆ خواردنی ھەنگەکان و بەھیچ شێویەک شەکری بۆ دانانێین چونکە جۆرو کوالێتی بەرھەمەکە تێکدەدات.
gellerytitle

gellerytitle

gellerytitle

gellerytitle

gellerytitle

gellerytitle

gellerytitle

2 مانگ پێشتر - Jul 15 2017 12:04PM
4677
بابه‌تی زیاتر