یاسا
یاسا
هاوڕێ‌ بۆ هەڕەشەكردن یاری لەشجوانی دەكات
SNN: 

هاوڕێ‌ كە كەسایەتیەكی شەڕەنگێز و خراپی هەیە یاری لەشجوانی و وەرزش دەكات بۆئەوەی بەپارە هەڕەشە لەخەڵك بكات و هەندێك كەسیش بەپارە كاری خراپی پێدەكەن، بۆجێبەجێكردنی كارە خراپەكانی توانای هاوڕێی بەفێڵ تووشی روداوێكی كوشتن دەكات و هەڵدێت، وردەكاری كارەكانی لەبەردەم دادوەریش ئاشكرادەكات و بەهۆیەوە سزادەدرێت.

توانا كوڕێكی 25 ساڵە و دانیشتوی شاری هەولێرە، كاری پاسەوانی لەیەكێك لەمۆڵەكانی ئەو شارە دەكات لەئێوارەوە هەتاوەكو بەیانی، بەرۆژ و لەكاتی پشوودا یاری لەش جوانی دەكات و بەهۆیەوە لەش و لارێكی جوان و وەرزشی هەیە، هەر بەهۆی جوانی لەش و لاری كاری پاسەوانی بەزووی دەست كەوتووە، وەرزشكردنی بەردەوامی توانایەكی زۆری پێ‌ بەخشیوە، چەندجارێك تووشی كێشە و بەریەككەوتن هاتووە لەگەڵ خزم و هاورێكانیدا بەهێزی ماسولكەكانی و بوونی لەش و لارێكی وەرزشی ئەوانی تووشی ئازار و برینداركردن كردوە.

توانا رۆژانە بۆماوەی دوو كاتژمێر یاری دەكات و هاورێكانی لەهۆڵی یاریكردنەكە بەردەوام راوێژی پێ‌ دەكەن لەسەر چۆنیەتی یاریكردن و شێواز و جۆری خواردن، ئەم تێكەڵاوبوونەی پەیوەندییەكی زۆری بۆ دروست كردوە، لەنێو ئەو كەسانەدا كورێكی بەناوی(هاوڕێ‌) كەماوەی دوو ساڵە لەو هۆڵە یاری دەكات پەیوەندی هاوڕێیەتی لەگەڵ توانا دروست كردوە، بەڵام هاوڕێ‌ كەسێكی خراپ و شەڕەنگێزە، خولیایی یاریكردنی زیاتر بۆئەوەیە بەهێزبێت و بتوانێت ئازاری خەڵك بدات، تەنانەت بەپارە شەڕ و دزی و پەلاماری خەڵك دەدات.

رۆژێك هاوڕێ‌ لەلایەن چەند كەسێكەوە رادەسپێردرێت تابچنەسەر پیاوێك بەبیانووی ئەوەی پارەی ئەوانی لەلایە، داوای لێدەكەن بیترسێنێت، ئەو پیاوە كەسێكی بازرگانە و ناوی(ئاری)ە، لەگەڵ ئەو كەسانەی كە هاوڕێیان بەكرێ گرتووە ركابەری یەكترن لەكاری بازرگانیدا، هاوڕێ‌ لەم كارەدا داوا لەتوانا دەكات هاوكاری بكات هەرچەندە راستی بابەتەكەش بۆ توانا روون ناكاتەوە، بۆیە لەمەرامی هاوڕێ تێناگات، مەبەستی بردنی تواناش لەلای هاوڕێ‌ ئەوەیە كە توانا لەش و لارێكی زل و ترسناكی هەیە و لەو رێگەیەوە دەیەوێت ئاری زیاتر بترسێنێت، كاتێك هەردوو كیان دەچنە دووكانەكەی ئارییەوە، هاوڕێ لە ئاری نزیك دەبێتەوە دەكەوێتە قسەكردن و هەڕەشەكردن، تواناش بەسەرسوڕمانەوە لەگفتوگۆكەیان دەڕوانێت و هیچ تێ ناگات، دوای ئەوەی دەمەقاڵێیەكەیان توند دەبێت توانا دەچێتە پێشەوە بۆئەوەی پەلاماری ئاری بدات، بەتایبەت كە دەبینێت ئاری خەریكە چەقۆ لەهاوڕێ دەدات، لەو كاتەدا توانا دەستی ئاری دەگرێ و هاوڕێ هەلەكەدەقۆزێتەوە و پەلاماری چەقۆكەدەدات و دەیكات بەسكی ئاری دا و هەڵدێت، هەر بەهۆی چەقۆكەوە دوای ماوەیەكی كەم ئاری گیان لەدەستدەدات.

دەستبەجێ‌ توانا دەستگیردەكرێت، بەڵام چەند كەسێك لەوێدا كە رووداوەكەیان بینیوە دەبن بەشاهیدحاڵ، دواتر هەردوو كیان دەستگیردەكرێن بەپێی ماددەی 406 لەیاسایی سزادانی عیراقی، لەمیانەی لێكۆڵینەوەشدا ئەو كەسانەش دەستگیردەكرێن كە هاوڕێیان بەكرێ‌ گرتووە، بەبڕیاری دادوەر هاوڕێ‌  بەپێی ماددەی 406 سزای لەسێدارەدانی بەسەردا دەسەپێندرێت، هەریەكە لەتوانا و كەسەكانی دیكەش بە 20 ساڵ زیندانی سزا دەدرێن.

تێبینی: ئەم ڕووداوە ڕاستەقینەیەو لەیەكێك لەدادگاكان تۆماركراوە، ناوەكانیش سەرجەمیان خوازراون.

4 مانگ پێشتر - Aug 4 2017 5:28PM
7147
بابه‌تی زیاتر
ئه‌نوه‌ر له‌زیندانه‌وه‌ هه‌ڵه‌كانی‌ ئاشكراده‌كات...
باوان پلانی‌ پێكهێنانی‌ ژیانی‌ هاوسه‌رێتی‌ له‌زیندان ده...
ئەحمەد بەگریانەوە کوشتنی دایکی دەگێڕێتەوە..هاوسەرگیرییە...
سەعد بەدوو فیشەك كۆتایی بەژیانی مامی هێنا...
به‌ختیار چۆنیه‌تی‌ كوشتنی‌ سالار و ته‌قه‌كردن له‌كوڕه‌ك...
كارزان لەسەر گومان باوكی دەكوژێت و برایەكی برینداردەكات...
سەعید بۆ تۆڵەکردنەوە لەخێزانێک پەلاماری کچەکەیان دەدات...
بۆماوه‌ی‌ سێ‌ مانگ سێكسی‌ له‌گه‌ڵ كردو دواتر كوشتی‌..به...
سه‌ردار ته‌رمی‌ ژنه‌كه‌ی‌ به‌ده‌رمانێك روپۆش ده‌كات...
ناسک بەھۆی سەرمایەکەی باوکییەوە بەچەقۆ کوژرا...
كورد مه‌م و زینی لێ نابڕێت.. چیرۆكه‌ ناخ هه‌ژێنه‌كه‌ی (...
هاوڕێ‌ بۆ هەڕەشەكردن یاری لەشجوانی دەكات...
مامۆستایەک بۆ خۆشەویستی خوێندکارێکی 15 زیندانی دەکرێت...
نازە بەدەرخواردانی ژەهر تۆڵە لە سەعید دەكاتەوە...
منداڵێك په‌یوه‌ندییه‌ نهێنیه‌كه‌ی‌ دایكی‌ ئاشكراده‌كات....
ئەشكان بەدەستی باوكی كوژرا..كەس لەئازای تێنەگەیشت...
ژیار ژنبرایەکی بەچەکوش کوشت...
به‌سه‌رخۆشی‌ په‌لاماری‌ پوری‌ ده‌دات...
123