کۆمه‌ڵایه‌تی
کۆمه‌ڵایه‌تی
لەکاتی ناکۆکیدا ئەمانە بەھاوسەرەکەت مەڵێ
SNN: 

ھیچ پەیوەندییەکی ھاوسەرێتی بەبێ گرفت و ناکۆکی و شەڕ نابێت کەدەبێتە ھەڕەشە بۆ سەقامگیری ژیانی ھاوسەرێتی و ھەندێ جار لەبەریەک ھەڵوەشاندنی خێزان.
وێب سایتی (رێد بوک ماگ) چەند دەستەواژەیەکی بریندارکەری ئاماژە پێ کردوە کەدەبێ پیاوان خۆیانی لێ بەدووربگرن لەکاتی کێشەکاندا: 
١- دەمت دابخە: ئەمەش زۆر بریندار کەرە بۆ ھاوبەشی ژیانت و دەکرێ بیگۆڕیت بەدەستەواژەی (دەکرێ ھێور بیتەوە؟) ئەمە دۆخەکە ھێمن دەکاتەوە و دەگەیتە گفتوگۆیەکی ژیرانەتر.
٢-چەندە بێ مێشکیت: ئەمەش بەیەکێک لەجۆرەکانی توندوتیژی دادەنرێت کەدەبێتە ھۆی گەورەبونی کێشەکان و بەسوک سەیرکردنی ژنەکەیە و دەبێتە ھۆی نیگەرانی و گرفتی بەردەوام و لەمەودای درێژدا کاریگەری جێ دەھێڵێت.
٣-بەزەیم پێتدا دێتەوە: ئەمەش کاتێ ژن شتێک دەکات پیاو بەدڵی نیە باشترە بەجۆرێک قسەی لەگەڵ بکات وابکات بیر لەگۆرینی ئەو شتە بکات یان ئەو ھەڵسوکەوتە نەک گاڵتەی پێ بکەیت.
٤-دەبێ ئەوەە بکەیت: نابێ پیاو ژن ناچار بکات ھەرچی شتێک بکات بەڵکو بەشێوەیەکی باش ھەوڵی لەگەڵ بدات تا ھەست نەکات دەیەوێ کۆنترۆڵی بکات و کاریگەری نەرێنی نەبێ لەسەر ژیانیان.
٥- ئەی چ شکستخواردوویەکیت: دەستەواژەی شکست کاریگەرییەکی نەرێنی دەبێ لەسەر پەیوەندیی پیاو و ژنەکەی،پەیوەندیی راست و دروست دەبێ ھاوسەنگی و یەکسانی نێوان ژن و پیاوی تێدا بەرجەستە ببێت و پیاو دەبێ رێز لەھاوسەرەکەی بگرێت و ھاوکاری بکات بۆ گەیشتن بەکەناری ئارامیی و چارەسەری کێشەکان نەک رووبەرووبونەوەو گەورەکردنی بابەتەکە.

هەفتە پێشتر - Nov 7 2017 11:57AM
5310
بابه‌تی زیاتر