لەکوردستانەوە
باشترین رێگا بۆ ڕەواندنەوەی ترس و دڵەڕاوکێ
SNN: ھەرێم عەبدولڕەحمان

ڕێکخراوی وچان خولێکی دوو ڕۆژە بۆ ژمارەیەک لەمامۆستایان و تۆێژەرانی دەرونی و کۆمەڵایەتی قوتابخانەکانی دەربەندیخان دەکاتەوە، ئامانجیش لەکردنەوەی خولەکە بۆ کەمکردنەوەو رەواندنەوەی  ترس و دڵەڕاوکێیە کەلەناو بەشێکی زۆری خەڵکی شارەکە دروست بووە.
لەوبارەیەوە "محەمەد عەزیز" چارەسازی دەرونی لەڕێکخراوی وچان لەلێدوانێکدا بە SNNی ڕاگەیاند":وەک ڕێکخراوەکەمان بەھاوکاری بەڕێوەبەرێتی پەروەردەی دەربەندیخان، ھەستاوین بەکردنەوەی  خولێکی دوو ڕۆژە بۆ نزیکەی ٣٥ مامۆستاو توێژەرانی کۆمەڵایەتی و دەرونی قوتابخانەکان.
وتیشی": کاتێک مرۆڤەکان دەکەونە بارودۆخێکی کتوپڕو لەناکاوەوە ئەو بارودۆخە کاریگەریی لەسەر لایەنی دەرونی کەسەکان ھەیە، لەخولەکەشدا ئەو بەشداربوانە فێردەکرێن، چۆن مامەڵە لەگەڵ ئەو کاردانەوانەدا بکەن لەکاتی کارەسات و قەیراندا توشیان دەبێت تا کاریگەرییەکەیان کەمبکەنەوە.
ئەوەشی وت":لەدوای ئەو بومەلەرزەیەی کەلەدەربەندیخان ڕویدا،کۆمەڵێک کاریگەریی دەرونی و کۆمەڵایەتی لەسەر منداڵان دروستکرد، ئامانجی بەشێکی  دیکەی خولەکەمان ئەوەیە ئەو ترسە لەسەر منداڵان لابدەین لەڕێگای قوتابخانەکانەوە.
لای خۆشیەوە "شادیە عەباس" توێژەری کۆمەڵایەتی لەقوتابخانەیی ئامادەیی ھەڵگورد لەلێدوانێکدا بۆ SNNوتی":وەک توێژەرێکی کۆمەڵایەتی بەشداریمانکردوە لەۆرک شۆپێک لەسەر ئەو بومەلەرەزەیەی کەلەدەربەندیخان ڕویدا و زۆربەی دانیشتوانی شارەکە توشی حاڵەتێکی دەرونی ناجێگیر بوون، زۆربەیان خێوەتیان ھەڵداوە کەسەکان ناتوانن شەوانە لەماڵەکانیاندا بمێننەوە بەتایبەت ئەوانەی بومەلەرزەکە کاریگەری لەسەر  خانوەکانیان ھەبوە.
gellerytitle

gellerytitle

gellerytitle

gellerytitle

gellerytitle

gellerytitle

gellerytitle

gellerytitle

gellerytitle

gellerytitle

هەفتە پێشتر - Dec 7 2017 12:39PM
1683
بابه‌تی زیاتر