زانست
زانست
بەڤیدیۆ: چەترێکی ڕۆبۆتی وەک گوڵەبەڕۆژە بەرھەم ھات
SNN: شارۆ سەراج

لە پێشانگای بازرگانی CES لە لاس ڤێگاس چەترێکی نوێ خرایەڕوو کە رۆبۆتیە و لەگەڵ تیشکی خۆردا بەدرێژایی ڕۆژەکە لار دەبێتەوە و زیاتر لە کەنار دەریاکان دەتوانرێت بەکاربھێنرێت یان لە باخچەی ماڵەکان، کارەبای خۆی لە ووزەی خۆرەوە وەردەگرێت و لەگەڵ جووڵانی خۆردا ئەویش دەجووڵێت بۆ ئەوەی ھەمیشە لە سێبەردا بتھێڵێتەوە.
ئەم چەترە تەنھا ئەم تایبەتمەندیەی نییە و بەڵکو دەتوانێت لەگەڵ ئینتەرنێت وەکو Wi-Fi  ببەسترێت و لەگەڵ ئامێرە ئەلکترۆنیە زیرەکەکانی ماڵەکەت وەک Amazon Alexa و Google Assistant وە دەتوانیت گوێ لە گۆرانی بگریت لەڕێگەی ئەم چەترەوە و سپیکەری Harmon Kardon ی لەسەر دانراوە. ھەروەھا کامێراش لەسەر ئەم چەترە ھەیە و دەتوانیت چاودێری ماڵەکەتی لێوە بکەیت.
تایبەتمەندییەکی تری ئەم چەترەش ئەوەیە دەتوانێت مۆبایلەکەت شەحن بکاتەوە و وەک Wi-Fi hotspot کاربکات ئەگەر خزمەتگوزاری cellular تێدا کارابکەیت کاتێک دەیبەیتە دەرەوە یان بۆ کەنار دەریا.
نرخی چەتری گوڵەبەڕۆژە تاکو ١٥ی کانوونی دووەمی ئەمساڵ ٥٢٢٠$ و پاشان دەبێتە نزیکی ٨٠٠٠$.

11 مانگ پێشتر - Jan 11 2018 12:38PM
12480
بابه‌تی زیاتر