ترافیک
ئۆتۆمبیلی BMW X٤ بەرھەم ھات
SNN: 

کۆمپانیای BMW بەنیازە نەوەی دووەمی ئۆتۆمبیلی X٤ کەسەر بەمۆدیلی ئۆتۆمبیلە وەرزشییە فرە بەکارھێنانەکان SUV یە لەمانگی ئازاری ئایندە لەمیانی پیشانگەی ژنێف بۆ ئۆتۆمبیل نمایش بکات.
کۆمپانیا ئەڵمانییەکە رایگەیاندووە کەمۆدیلە نوێیەکە ٨ سانتیمەتر درێژترە و پانی ٤ سانتیمەتر زیاترە و درێژی بنکەی تایەکانی ٦ سانتیمەتر زیاترە و ئۆتۆمبیلەکە چەند ملیمەترێک دابەزیوە.
بەو جۆرە ناو ئۆتۆمبیلەکە فراوانترە و قەبارەی سندوقەکەی ١٤٣٠ لیترە.
ئۆتۆمبیلەکە شاشەی دیجیتاڵی تەچ و سستمی Head up و دەرگای دواوەی ئۆتۆماتیکی و سندوقی داخراوی ھەیە بۆ شت و مەکەکان.
ئۆتۆمبیلەکە بە٣ مەکینەی بەنزین و ٤ ی گاز بەردەستە. کەوا بڕیارە سوتەمەنی کەمتر و رێژەیەکی کەمتری دەردراوە زیانبەخشەکانی دوانۆکسیدی کاربۆنی ھەبێت.
کۆمپانیای BMW  راگەیاندوە مۆدیلە نوێیەکەی لەھاوینی ئەمساڵدا دەکەوێتە بازارەکانی جیھانەوە.

4 مانگ پێشتر - Feb 15 2018 1:29PM
1110
بابه‌تی زیاتر