یاسا
یاسا
سه‌ركۆ ئاماده‌نییه‌ داوایه‌كی‌ براژنه‌كه‌ی‌ قبوڵ بكات..ماچی‌ ده‌كات
SNN: 

سه‌ردار به‌هۆی‌ خراپی‌ مامه‌ڵه‌كردنی‌ له‌گه‌ڵ هاوسه‌ره‌كه‌یدا به‌رده‌وام ده‌نگه‌ده‌نگ و شه‌ڕیانه‌ و دواجاریش به‌چه‌قۆ جوانه‌ی‌ خێزانی‌ ده‌كوژێت و براكه‌شی‌ بریندار ده‌كات، سه‌ركۆی‌ برای‌ له‌به‌رده‌م دادگا به‌شێك له‌به‌سه‌رهاتی‌ ژیانی‌ برا و براژنه‌كه‌ی‌ ده‌گێڕێته‌وه‌ و براكه‌شی‌ به‌(20)ساڵ سزای‌ زیندانیكردنی‌ به‌سه‌ردا ده‌سه‌پێنرێت.

سه‌ركۆ ته‌مه‌نی‌ 26 ساڵه‌ و له‌ یه‌كێك له‌ شارۆچكه‌كانی‌ هه‌رێمی‌ كوردستان ده‌ژی‌ و ده‌رچووی‌ كۆلێژی‌ هونه‌ره‌ به‌شی‌ مۆسیقا و ئامێری‌ گیتار ده‌ژه‌نێت، له‌ماڵه‌وه‌ له‌گه‌ڵ دایك و باوك و برا گه‌وره‌كه‌یدا ده‌ژی‌، برا گه‌وره‌كه‌ی‌ ناوی‌(سه‌ردار)ه‌ و خێزانداره‌ و خێزانه‌كه‌ی‌ ناوی‌(جوانه‌)یه‌ و ئه‌وانیش هه‌ر له‌و خانووه‌دان، به‌ڵام خانووه‌كه‌یان گه‌وره‌یه‌، سه‌ركۆ و سه‌ردار خوشك و برای‌ دیكه‌یان نییه‌.

سه‌ركۆ به‌رده‌وام سه‌رقاڵی‌ ژه‌نینی‌ ئامێره‌كه‌یه‌تی‌ و كه‌سێكی‌ هێمن و زۆرگونجاوه‌ له‌گه‌ڵ ده‌وروبه‌ره‌كه‌یدا و له‌گه‌ڵ ئه‌و گروپه‌ی‌ كار ده‌كه‌ن چه‌ندجارێكیش سه‌ردانی‌ ده‌ره‌وه‌ی‌ وڵات ده‌كات، زۆرجاریش دیاری‌ بۆ دایك و باوك و برا و براژنه‌كه‌ی‌ هێناوه‌ته‌وه‌، كه‌سایه‌تیه‌كه‌ی‌ ده‌بێته‌ جێگه‌ی‌ سه‌رنجڕاكێشانی‌ لای‌ براژنه‌كه‌ی‌، جوانه‌ كه‌ له‌گه‌ڵ هاوسه‌ره‌كه‌یدا دڵخۆش نییه‌ و زۆر په‌یوه‌ندیان رێك نییه‌، به‌تایبه‌ت جوانه‌ كه‌ كه‌سایه‌تیه‌كی‌ رۆمانسی‌ هه‌یه‌ و سه‌رداریش هیچ حه‌ز و خولیایه‌كی‌ بۆ ئه‌و شتانه‌ نییه‌ و پێچه‌وانه‌ی‌ هه‌ست و كه‌سایه‌تی‌ خێزانه‌كه‌یه‌تی‌ و زۆرگرنگیشی‌ پێنادات، به‌ڵكو كه‌سایه‌تیه‌كی‌ ره‌ق و توڕه‌ی‌ هه‌یه‌، رۆژانه‌ ده‌ڕوات بۆ كار و تاوه‌كو ئێواره‌ ناگه‌ڕێته‌وه‌ و هیچ كاتێك ته‌رخان ناكات بۆ به‌سه‌ربردن له‌گه‌ڵ خێزانه‌كه‌یدا و ئه‌و رۆژانه‌شی‌ كه‌ ناچێته‌سه‌ر كار له‌گه‌ڵ هاوڕێكانیدا كات به‌سه‌ر ده‌بات.

جیاوازی‌ كه‌سایه‌تی‌ نێوان سه‌ردار و سه‌ركۆ كاریگه‌ری‌ له‌سه‌ر جوانه‌ ده‌بێت، جوانه‌ بۆ پڕكردنه‌وه‌ی‌ بۆشایی‌ هه‌ست و سۆزی‌ ژیانی‌ زیاتر له‌ سه‌ركۆ نزیك ده‌بێته‌وه‌ و چه‌ندجارێكیش له‌باره‌ی‌ ژیانی‌ سكاڵا له‌لای‌ ده‌كات، بۆیه‌ سه‌ركۆش وه‌ك قه‌ره‌بوویه‌ك و به‌زه‌ییه‌ك و بۆ دڵخۆشكردنی‌ براژنه‌كه‌ی‌ هه‌ڵسوكه‌وتی‌ له‌گه‌ڵ جوانه‌دا ده‌گۆڕێت و ده‌یه‌وێت زیاتر بۆی‌ باش بێت و به‌رده‌وام قسه‌ی‌ خۆشی‌ بۆ ده‌كات، ته‌نانه‌ت هه‌ندێكجاریش له‌گه‌ڵ خۆیدا بۆ كۆنسێرت و بۆ گوێگرتن له‌ مۆسیقا ده‌یبات، ئه‌مكارانه‌ی‌ له‌ سۆز و به‌زه‌ییه‌وه‌یه‌، بێئاگاله‌وه‌ی‌ جوانه‌ شێت و شه‌یدای‌ كه‌سایه‌تی‌ و باشییه‌كانی‌ بووه‌ و هه‌ستی‌ خۆشه‌ویستی‌ به‌رامبه‌ری‌ بۆ دروست بووه‌، چه‌ندجارێك له‌ناو ئۆتۆمبێلدا خۆی‌ له‌ سه‌ركۆ نزیك ده‌كاته‌وه‌ و ده‌یه‌وێت ماچی‌ بكات، به‌ڵام ناوێرێت و سه‌ركۆش هه‌ست به‌حاڵه‌تێكی‌ نائاسایی‌ ده‌كات كه‌ له‌لایه‌ن جوانه‌وه‌ دروست بووه‌، به‌ڵام دڵنیانییه‌.

شه‌وێك ماڵی‌ باوكی‌ سه‌ركۆ بانگهێشتی‌ ناسیاوێكیان ده‌كه‌ن بۆ نانخواردن و سه‌رداریش له‌ماڵه‌وه‌ده‌بێت و ئه‌و شه‌وه‌  كحول زۆرده‌خواته‌وه‌ و به‌ جوانه‌ی‌ خێزانییه‌وه‌ ده‌یگرێت، قسه‌ی‌ ناشرینی‌ پێده‌ڵێت و لێیده‌دات و سه‌ركۆش كه‌پێیده‌زانێت به‌زه‌یی‌ به‌براژنه‌كه‌یدا دێته‌وه‌ و ده‌كه‌وێته‌نێوانیان له‌ براكه‌ی‌ كه‌ سه‌رخۆشه‌ ده‌دات و براژنه‌كه‌ی‌ له‌ژێر ده‌ستیدا ده‌رده‌هێنێت و ده‌یباته‌ ژووره‌كه‌ی‌ خۆی‌ و ده‌رگای‌ لێ كلیل ده‌دات، دوای‌ چه‌ند كاتژمێرێك دۆخه‌كه‌ هێور ده‌بێته‌وه‌ و سه‌ركۆش ده‌چێته‌وه‌ ژووره‌كه‌ی‌ كه‌ ده‌رگا ده‌كاته‌وه‌ جوانه‌ راسته‌وخۆ باوه‌شی‌ پێدا ده‌كات و ماچی‌ ده‌كات.

سه‌ركۆش له‌لای‌ سه‌یرده‌بێت و پێیده‌ڵێت ئه‌وه‌ چییه‌، جوانه‌ش ده‌ڵێت شێتت بووم و خۆشم ده‌وێیت و پێشتر نه‌مده‌وێرا پێت بڵێم، ئیتر ئه‌زانم تۆش هه‌ستێكی‌ خۆشه‌ویستیت بۆم هه‌یه‌، دوای‌ ئه‌و قسانه‌ سه‌ركۆ لێی‌ توڕه‌ده‌بێت و پێیده‌ڵێت هه‌رگیز ئاماده‌نیم ناپاكی‌ له‌تۆ و له‌ براكه‌شم بكه‌م، ته‌نها پێم غه‌دریشه‌ كه‌براكه‌م له‌گه‌ڵ تۆ خراپه‌، به‌ڵام جوانه‌ گوێ به‌و قسانه‌ نادات و هه‌وڵده‌دات ماچی‌ بكات و لێی‌ نزیك بێته‌وه‌، له‌وكاته‌دا ده‌بێته‌ ده‌نگه‌ ده‌نگیان و سه‌رداریش به‌خه‌به‌ردێته‌وه‌ له‌ده‌رگاكه‌وه‌ دیمه‌نه‌كه‌ ده‌بینێت كه‌ ژنه‌كه‌ی‌ جلوبه‌رگی‌ داناوه‌ و ده‌یه‌وێت په‌لاماری‌ براكه‌ی‌ بدات، راسته‌وخۆ ده‌چێته‌ چێشتخانه‌كه‌یان و چه‌قۆیه‌كی‌ گه‌وره‌ ده‌هێنێت و هه‌وڵده‌دات له‌براكه‌ی‌ بدات، له‌و كاته‌شدا له‌گه‌ڵ به‌رگریكردن له‌خۆی‌ سه‌ركۆ هاوارده‌كات كه‌ ناپاكی‌ لێنه‌كردوه‌، دواتر چه‌قۆكه‌ی‌ لێوه‌رده‌گرێت و قسه‌ بۆ براكه‌ی‌ ده‌كات پێیده‌ڵێت ژنه‌كه‌ت په‌راوێزخستووه‌، جوانه‌ش ده‌ڵێت راسته‌ له‌داخی‌ تۆ و هه‌ڵسوكه‌وته‌ خراپه‌كانت واده‌كه‌م و هه‌موو كاره‌ خراپه‌كانی‌ پێده‌ڵێته‌وه‌، هه‌رله‌وێدا داوای‌ جیابوونه‌وه‌شی‌ لێده‌كات، به‌ڵام سه‌ردار زۆر توڕه‌ده‌بێت و فرسه‌ت ده‌هێنێت و چه‌قۆیه‌ك به‌ ملی‌ جوانه‌دا ده‌كات و له‌وێدا گیان له‌ده‌ست ده‌دات.

دوای‌ رووداوه‌كه‌ سه‌ردار ده‌یه‌وێت هه‌ڵبێت و سه‌ركۆ ده‌یگرێت و چه‌قۆیه‌كیش له‌ده‌ستی‌ براكه‌ی‌ ده‌دات، دوای‌ ئاگاداركردنه‌وه‌ی‌ پۆلیس له‌ماوه‌یه‌كی‌ كه‌مدا سه‌ردار ده‌گیرێت و به‌پێی‌ مادده‌ی‌(405) له‌ یاسای‌ سزادانی‌ عیراقی‌ بۆماوه‌ی‌ (20)ساڵ سزای‌ زیندانیكردنی‌ به‌سه‌ردا ده‌سه‌پێنرێت.

تێبینی‌:

ئه‌م ڕوداوه‌ ڕاسته‌قینه‌یه‌و له‌یه‌كێك له‌پارێزگاكانی هه‌رێمی كوردستان روویداوه‌، سه‌رجه‌م ئه‌و ناوانه‌شی هاتوون خوازراون و ناوی ڕاسته‌قینه‌ی ئه‌وكه‌سانه‌ لای SNN پارێزراوه‌، ئامانج له‌بڵاوكردنه‌وه‌ی‌ هۆشیاری یاسایی‌ و كۆمه‌ڵایه‌تییه‌.

3 مانگ پێشتر - May 4 2018 9:30AM
47920
بابه‌تی زیاتر
له‌سه‌ر كوڕه‌كه‌ی‌ خالیدی‌ به‌چه‌قۆ كوشت...
كه‌مال دراوسێكه‌ی‌ خۆی‌ به‌تاپڕ كوشت..سزای‌ له‌سێداره‌د...
ئاواز بەھۆی لەشفرۆشیەوە کچێک ژەھرخوارد دەکات...
جەمال لەبەر پارە برازاکەی بە بەرچاوی دایک و باوکیەوە کو...
چالاک کۆتایی بەژیانی ڤیان ھێنا..تەماحی لەسەروەتی ھاوسەر...
به‌تێزاب خوشكه‌كه‌ی‌ كوێر كرد..هاوسه‌رگیریی له‌گه‌ڵ مێر...
سه‌ركۆ ئاماده‌نییه‌ داوایه‌كی‌ براژنه‌كه‌ی‌ قبوڵ بكات.....
ھەژاری ڕێگری لەھاوسەرگیریەکیان کرد..کاردۆ بوە بکوژی خۆش...
ئاری تۆڵەی ژنەكەی لەدكتۆرەكە دەكاتەوە...
ئاكۆ ته‌قه‌ له‌زاوا ده‌كات و بوكێش گیان له‌ده‌ستده‌دات...
بوار دوای‌ ده‌ستدرێژیكردنه‌سه‌ر كه‌تان چی‌ ده‌گێڕێته‌وه...
بەهۆی فێڵ و تەڵەكەبازیانەوە بەیان و نیان پێنج ساڵ زیندا...
به‌هۆی‌ ڕاستگۆیی و به‌ویژدانیه‌وه‌ داناو ژنه‌كه‌شی‌ كوژ...
لەبەر لاوازی توانای سێكسی هاوسەرەكەی لەگەڵ كوڕێكدا سەرج...
ئەژی بەسەرھاتی سوتاندنی باپیری ئاشکرادەکات...
بەچەقۆ شادەماری ملی براكەی بڕی..بەسەرهاتی دوو برای دوان...
ژنی‌ هاوڕێكه‌ی‌ بۆخۆی‌ برد.. به‌مه‌رگ كۆتاییهات...
ئه‌نوه‌ر له‌زیندانه‌وه‌ هه‌ڵه‌كانی‌ ئاشكراده‌كات...