لەکوردستانەوە
جوتیارێک پیشانگەیەکی بۆ بەرھەمە خۆماڵیەکانی کردەوە
SNN: کۆسار مەحمود

بەمەبەستی برەودان بە بەرھەمی ناوخۆیی جوتیارێکی پارێزگای ھەڵەبجە پێشانگایەکی بۆ خستنەڕووی بەرھەمەخۆماڵیەکانی کردەوە

ئەمڕۆ ۳۰ی ٦ ، بەئامادەبوونی ژمارەیەک لەھاوڵاتیان کەھەندێکیان لەدەرەوەی ھەڵەبجەوە ھاتبوون ، ئازاد مەحمودی جوتیار لەپیشانگایەکدا بەرھەمە کشتوکاڵیە خۆماڵیەکانی خستەڕوو کە نزیکەی ۲٨ جۆر بەرووبوم بون

لەوبارەیەوە ئازاد مەحمود بەSNNی ڕاگەیاند : خاکی شارەزور زۆر بەپیت و بەرەکەتە ئەمەش ھاندانێکی باشە بۆ جوتیاران بەردەوام بن لەسەر بەرھەمی کشتوکاڵیان ، ئەمڕۆش بەو ئامانجەی برەو بەبەرھەمی ناوخۆیی بدرێت بەرھەمەکانی خۆمم بۆ ھاوڵاتیان خستەڕوو 

وتیشی : داوا لەجوتیاران دەکەم ئەوەنەی بتوانن بەرھەمی جۆراوجۆر بچێینن و سارد نەبنەوە لەکەمی بازاڕ ، پێویستە ھاوڵاتیان لە سود و تامی بەرھەمی خۆماڵی ئاگاداربکرێنەوە بۆ ئەوەی پێویستمان بەبەرھەمی دەرەکی نەبێت، ئەوەنەشی لەتوانامدا بێت من بەردەوام دەبم لەسەر زیادکردنی بەرھەمی خۆماڵی.

ھاوڵاتیان و ئامادەبوانی پیشانگاکە بەگرنگیەوە باسیان لەبونی وەھا نمایشی بەرھەمی خۆماڵی دەکرد و خواستێکی زۆریان لەسەر کڕینی ھەبوو و داواشیان لەحکومەت و لایەنی پەیوەندیدارەکان دەکرد ئاوڕی جدی لە جوتیاران بدەنەوە لەپێناو ساغکردنەوەی بەرھەمەکانیان.
gellerytitle

gellerytitle

gellerytitle

gellerytitle

gellerytitle

gellerytitle

gellerytitle

gellerytitle

gellerytitle

gellerytitle

gellerytitle

gellerytitle

gellerytitle

gellerytitle

gellerytitle

2 هەفتە پێشتر - Jun 30 2018 8:57PM
799
بابه‌تی زیاتر