لەکوردستانەوە
پیاوی بارانەکە خەڵات کرا
SNN: سۆران سەعید

مەراسیمی ڕێزلێنان بۆ دارا حەسەن بەڕێوەبەری کەشناسی و بومەلەرزەزانی سلێَمانی بەھۆی خانەنیشن بونیەوە سازکرا و لەلایەن قائیمقامیەتی سلێمانیەوە خەڵاتی رێزلێنانی پێبەخشرا.
 
gellerytitle

دارا حەسەن دوای زیاتر لە ٣٧ ساڵ خزمەتکردن لەبواری ژینگە و پێشبینییەکانی کەشوھەوا بۆ ڕاگەیاندنەکانی و ھاوڵاتیانی شاری سلێمانی، خانەنیشنکرا، لە ڕێوڕەسمێکی تایبەتیشدا خەڵاتی رێزلێنانی لەلایەن قائیمقامی سلێمانی و شارەوانی سلێمانییەوە پێبەخشرا لەپای ئەو خزمەتەی بەشاری سلێمانی کردووە.

gellerytitle

لەدوایین وتەیدا بۆ ڕاگەیاندنەکان، دارا حەسەن بەڕێوەبەری پێشووی کەشنانسی و بومەلەرزەزانی سلێمانی بۆ کەناڵەکانی ڕاگەیاندن ڕایگەیاند: ھەوڵەکانمان بەردەوام دەبێت بۆ پاراستنی ژینگەی سلێمانی و ھۆشیارکردنەوەی ھاوڵاتیان، لەئێستاشدا لەڕێگەی تیمێکەوە لەھەوڵی ئاگربڕدان بۆ ناوچە دارستانییەکان دواتر دەچینە ئەو شوێنانەی پێویستیان بەئاگربڕە.

gellerytitle

دارا حەسەن دوایین پێشبینی بۆ کەشوھەوا کرد و وتی: بەھۆی گۆڕانکارییەکان ڕۆژھەڵاتی ناوەڕاست پشکی شێری لەگۆڕانکارییەکانی کەشوھەوا بەردەکەوێت و پلەکانی گەرما زۆر بەرزبێتەوە کە ئێمەش بەشێکین لەڕۆژھەڵاتی ناوەڕاست، ئەم گۆڕانکارییانەش زیاتر بەھۆی نەبوونی ڕووپۆشی سەوزاییە.

gellerytitle

gellerytitle

gellerytitle

2 هەفتە پێشتر - Jul 2 2018 1:20PM
1199
بابه‌تی زیاتر