کۆمه‌ڵایه‌تی
کۆمه‌ڵایه‌تی
٧ قۆناغ لە هاوسەرگیریدا هەمووان پێیدا دەڕۆن
SNN: شارۆ سەراج
هەموو هاوسەرگیرییەک بە قۆناغی جیادا دەڕوات بەتێپەڕبوونی ساڵەکان، لە دڵخۆشی و بەپەرۆشییەکی زۆرەوە بۆ کاتێک کە هەردووکیان خانەنشینن و گەورەدەبن و شتەکان دەگۆڕێن. تێگەیشتن لە قۆناغە جیاوازەکانی هاوسەرگیری یارمەتیت دەدات شیکار بۆ هاوسەرگیرییەکەی خۆت بکەیت و بزانیت تۆ لە کام قۆناغەدایت.
١- بەپەرۆشی: ئەمە لەسەرەتای هاوسەرگیریدایە و لە مانگی هەنگوینیدان و ئارەزوو دەکەن زۆربەی کاتەکان پێکەوەبن و دڵیان خۆشە.
٢- دڵنیابوونەوە لە ڕاستیی: ئەمە کاتێکە کە ژیان و ڕاستییەکان خۆیان دەکەن بە ژووردا و ڕۆتین دروست دەبێت لە پەیوەندییەکەدا هەردوو هاوسەرەکە فێری بەهێزی و لاوازییەکانی یەکتر دەبن.
٣- لادان و یاخیبوون: ئەم قۆناغە کەمێک قورسە و لێرەدا ئارەزووەکانت دەگۆڕێت بەرامبەر هاوسەرەکەت و هەست دەکەیت هاوسەرگیرییەکەیت ڕێگرە بۆ ئامانجەکانت.
٤- قۆناغی وەک کار: لەم قۆناغەدا وای لێدێت منداڵەکان گەورەدەبن و تۆش لە کارەکەت بەرز دەکرێیتەوە و هاوسەرگیرییەکەت وەک ڕێکخستنێکی کاری لێدێت.
٥- یەکگرتنەوە: لێرەدا منداڵەکان گەورەبوون لەڕووی ماددیەوە دۆختان باشبووە و هاوسەرگیرییەکە لە بارێکی ئارامدایە.
٦- تەقینەوە: تەقینەوە لە هەر قۆناغێکی هاوسەرگیریدا ڕوودەدات بەڵام کاتێک تەمەنت بەرەو ناوەڕاستەکان دەڕوات و کێشەکانی منداڵ و تەندروستی و دارایی و مردنی دایک و باوک دێتەپێشەوە باری هاوسەرگیرییەکە قورستر دەبێت.
٧- تەواوکردن: کاتێک بە هەموو ئەو قۆناغانەی پێشوودا ڕۆشتیت و بەرز و نزمیت بینی و هاوسەرگیرییەکی درێژت بەسەربرد ئەوا تۆ چوویتەتە قۆناغی کۆتایی و تەواوکردنەوە.

5 مانگ پێشتر - Jul 5 2018 7:10PM
2670
بابه‌تی زیاتر