کۆمه‌ڵایه‌تی
کۆمه‌ڵایه‌تی
ئەم وشانە پەیوەندییت بەھاوسەرەکەتەوە بەھێز دەکات
SNN: 

بەوپێیەی ووشە کاریگەرییەکی ئەرێنی و نەرێنی ھەیە لەسەر ئەو کەسەی وەریدەگرێت بۆیە پێویستە بەباشی بەکاربھێنرێت تا کاریگەرییەکی باش و ئەرێنی ھەبێ لەسەر کەسانی تر و پەیوەندیمان بەھێز بکات، ئەمەش دەچەسپێت لەسەر پەیوەندیی ھاوسەرێتی کەشێوازی پەیوەندی و ھۆکاری یارمەتیدەرە بۆ بەھێزکردنی پەیوەندی  و ھەستی نێوان پیاوان و ژنان، وێبسایتی "کرۆس واک" لیستی ئەو دەستەواژەو وشانە دیاری دەکات کەکاریگەرە بۆ بەھێزکردنی پەیوەندیی ھاوسەرێتی بەم جۆرە: 
١. خۆشم دەوێیت: زۆربەی ژنان پێویستیان بەبیستنی ئەم دەستەواژەیە ھەیە لەگەڵیدا رێوشوێنی تری لەگەڵ بێت، ھەوڵ بدە تێبگەیت لەھەستەکانی ھاوسەرەکەت و بەو جۆرە بەباشترین شێوە ھەڵسەنگاندن و دەربڕینی بۆ بکەیت. 
٢. من شانازیت پێوە دەکەم: ئەمەش دەستەواژەیەکە ئەگەر پیاو بەژنەکەی بڵێت لەبەرامبەر ھەر ھەوڵێکدا کەبۆی داوە و ئەرکی خۆی بەجێگەیاندووە، ئەمەش پابەندبونی خۆی بەپەیوەندیی ھاوسەرێتییەوە دەردەخات.
٣. من رێزت دەگرم: دەبێ ژنان ئەم دەستەواژەیە لەھاوسەرەکانیان ببیستن کەھەستێکیان پێ دەدات کەبەھایان ھەیە و گرنگیان ھەیە لەژیانیدا ھەبن. 
٤. حەزدەکەم لەگەڵت بمێنمەوە: ھەوڵ بدە گوزارشت بکەیت لەوەی چەندە حەز دەکەیت لەپاڵیدا بمێنیتەوە و پشتیوانی بکەیت. 
٥. بیرت دەکەم: دەزانرێ کەپیاوان حەز بە بەسەربردنی کاتێکی درێژ دەدەن لەدەرەوەی ماڵ بەھۆی سروشتی کارەوە، بۆیە ئەگەر بتوانیت گوزارشت بکەیت لەبیرکردنت بۆ ھاوسەرەکەت لەکاتی ئامادەنەبوونیدا، بۆیە لەرێی پەیوەندیی یان نامەی تەلەفۆنەوە دەتوانیت بیرکردنی خۆتی بۆ دەربڕیت.

2 هەفتە پێشتر - Nov 26 2018 3:44PM
2594
بابه‌تی زیاتر