کۆمه‌ڵایه‌تی
کۆمه‌ڵایه‌تی
دەبێ تا ٣ ساڵی منداڵ لەنێو بێشکە بخەوێت
SNN: 

زۆرێک دایکان و باوکان بەباشی دەزانن کۆرپەلەکانیان بخەنە سەر بێدی ئاسایی لەجیاتی بێشکە بەوپێیەی پێیان وایە ئەمە ھاوکار دەبێ لەگەشەکردنیان بەشێوەیەکی باشتر بەڵام توێژینەوەیەکی نوێ دەڵێت پێویستە منداڵ لەبێشکەدا بخەوێ تا تەمەنی ٣ ساڵی.
توێژینەوەکەی گۆڤاری "سلیپ میدسن" دەریخستوە ئەو منداڵانەی تا تەمەنی ٣ ساڵی لەنێو بێشکەدا دەخەون، شێوازی خەویان باشتر دەبێ و ئەمەش بەشێوەیەکی ئەرێنی کاریگەری دەبێ لەسەر شێوازی خەوتنی دایکان وباوکان.
توێژینەوەکە دەریخستوە کەگواستنەوەی منداڵ لەبێشکەوە بۆ بێدی ئاسایی لەکاتێکی درەنگتردا لەباری ئاسایی کاریگەری ئەرێنی دەبێ لەسەر خەوتتنی و دەیپارێزێت لەھەندێ ھەڵسوکەوتی نەرێنی منداڵان.
رۆژنامەی میرەر لەزاری "ئەریل ویلیامسۆن" لەنەخۆشخانەی منداڵانی فیلادلفیا لەپنسلڤانیا رایگەیاند توێژینەوەکە دەریخستوە کەخەو چەندە گرنگە بۆ ھەموو قۆناغەکانی ژیان بەتایبەت لەماوەی منداڵیدا. 
ھاوکات لیزا میلتزر شارەزای بواری دەرونی منداڵان رایگەیاند گەورەکان بێشکەی منداڵ وەک قەفەز دەبینن بەڵام منداڵان بەو جۆرەی نابینن و زیاتر ھەست بەئارامی دەکەن و پشوو دەدەن تێیدا. 

2 هەفتە پێشتر - Nov 27 2018 8:14PM
755
بابه‌تی زیاتر