ترافیک
١.٧ ملیۆن ئۆتۆمبیل لەبازارەکان دەکێشرێتەوە
SNN: 

کەسانێکی زۆر بەھیوابون گرفتی ئەیرباگەکانی "تاکاتا" بەم زوانە کۆتایی بێت بەڵام وادیارە ئەمە رونادات، لەوبارەیەوە ئاژانسی ئەسۆشیەیتد پرێس رایگەیاندووە لەئێستادا بڕیاردراوە لەسەر کێشانەوەی ١.٧ ملیۆن ئۆتۆمبیل بەھۆی گرفتی ئەیرباگی ئۆتۆمبیلەکانەوە.
جێی باسە بەھۆی ئەم گرفتەوە تا ئێستا ٢٣ کەس گیانیان لەدەستداوە و دەیانی تریش برینداربوون کەبەھۆی گرفتێکەوە ئەیرباگەکە دەکرێتەوە و ئەوەی ھەوای تێدەکات دەشکێت و دەبێتە ھۆی دەرچوونی چەندین پارچە بەرەو شۆفێر و سەرنشینەکان.
ئەمەش ٨٢٦.١٤٤ ئۆتۆمبیلی سوبارۆ و مۆدیلی فۆرستەر و لیگاسی و ئۆتۆباک مۆدیل ٢٠١٠بۆ ٢٠١٤ و ٢٨٨.٧٧٩ مرسیدسی ٢٠١٠ بۆ ٢٠١٧ و ٢٦٦.٠٤٤ BMW ی ٢٠٠٠ بۆ ٢٠٠٤ و ئۆتۆمبیلی ڤان دایملەر و ڤۆڵکس ڤاگنی ٢٠١٥ بۆ ٢٠١٧ و تێسلا و فێراری مۆدیل ٢٠١٤ بۆ ٢٠١٧ دەگرێتەوە
تائێستاش لەجیھاندا بەھۆی ئەو گرفتتەوە ٢٧.٢ ملیۆن ئۆتۆمبیل کێشراوەتەوە لەبازارەکانی جیھان و لەقۆناغی ئایندەدا ١٠ ملیۆنی تر تا دەگاتە ٧٠ ملیۆن ئۆتۆمبیل دەگرێتەوە.

4 مانگ پێشتر - Feb 10 2019 9:39PM
8629
بابه‌تی زیاتر