یاسا
یاسا
به‌ختیار چۆنیه‌تی‌ كوشتنی‌ سالار و ته‌قه‌كردن له‌كوڕه‌كه‌ی‌ ده‌گێڕێته‌وه‌
SNN: پارێزه‌ر ئارام عومه‌ر

سالار دوای‌ چه‌ندین ساڵ له‌كاری‌ به‌قاڵی‌ و خه‌ونی‌ بۆ دابینكردنی‌ خانوویه‌كی‌ شیاو بۆ خێزانه‌كه‌ی‌ و دڵخۆشكردنی‌ هاوسه‌ر و منداڵه‌كانی‌، دواجار ده‌رفه‌تێكی‌ بۆ ده‌ره‌خسێت، به‌ڵام له‌شه‌وێكدا له‌لایه‌ن خاوه‌ن نوسینگه‌یه‌كی‌ كڕین و فرۆشتنی‌ خانوو و زه‌وی‌ كه‌ ناسیاوی‌ خۆیه‌تی‌ ده‌كوژرێت و منداڵێكیشی‌ فیشه‌كی‌ پێوه‌ده‌نرێت و دوای‌ مانگێكیش له‌و كاره‌ساته‌ تاوانباره‌كه‌ ده‌ستگیرده‌كرێت. 

سالار 37ساڵه‌ و ژیانی‌ هاوسه‌رگیری‌ پێكهێناوه‌ و پێنج منداڵیان هه‌یه‌ و له‌ناو شارۆچكه‌ی حاجیاوا كاری‌ به‌قاڵی‌ ده‌كات و به‌یانیان زوو له‌نزیك كاتژمێر چوار ده‌چێته‌ عه‌لوه‌ی شارۆچكه‌كه‌ و میوه‌ و سه‌وزه‌ ده‌كرێت و له‌گه‌ڕه‌كه‌كاندا ده‌یفرۆشێت، بۆ هه‌ر رۆژێك نزیكه‌ی 25هه‌زار دینار قازانج ده‌كات و بژێوی ژیانی خێزانه‌كه‌ی‌ به‌وه‌ به‌رێده‌كات.

سالار خاوه‌نی خانوویه‌كی بچوكه‌ كه‌ له‌دوو ژوور پێكدێت، یه‌كێكیان وه‌ك چێشتخانه‌ و ئه‌وه‌ی تریشیان بۆ خه‌وتن و دانیشتن به‌كارده‌هێنن، سالار ساڵانێكی زۆر پاره‌ی‌ كۆكردۆته‌وه‌ ئینجا توانیویه‌تی‌ ئه‌و خانووه‌ بكڕێت، به‌ڵام به‌هۆی‌ كه‌می‌ پاره‌كه‌ی‌ نه‌یتوانیوه‌ خانوویه‌كی‌ گه‌وره‌ بكرێت، نزیكه‌ی سێ ساڵ له‌و خانووه‌دا ژیان به‌سه‌ر ده‌به‌ن تارۆژێك دایك و باوكی سالار له‌رێگای سلێمانی به‌كاره‌ساتی ئوتۆمبێل گیان له‌ده‌ست ده‌ده‌ن، دوای‌ پرسه‌كه‌ بۆ دابه‌شكردنی‌ موڵك و سامانی‌ باوكیان سالار و خوشك و براكانی دیكه‌ی‌ داده‌نیشن و رێكده‌كه‌ون خانووه‌كه‌ی ماڵی باوكیان بفرۆشن و دواتر هه‌ر یه‌كه‌ و به‌پێی شه‌رع به‌شی خۆی وه‌ربگرێت، بۆیه‌ خانووه‌كه‌ ده‌فرۆشن و سالاریش پلان داده‌نێت ئه‌و به‌شه‌ پاره‌یه‌ی‌ به‌ریده‌كه‌وێت له‌گه‌ڵ خانووه‌ بچوكه‌كه‌ی‌ خۆی‌ كه‌ راسته‌وخۆ ئه‌ویش ده‌فرۆشێت، خانوویه‌كی‌ باشتر و گه‌وره‌تر بكرێت، بۆیه‌ ده‌چێته‌ نووسینگه‌یه‌كی كڕین و فرۆشتنی‌ خانوو و زه‌وی‌ هه‌ر له‌ناو شارۆچكه‌ی حاجیاوادا، به‌خاوه‌نی‌ نوسینگه‌ كه‌ ده‌ڵێت ده‌یه‌وێت خانوه‌كه‌ی بفرۆشێت و خانوویه‌كی گه‌وره‌تر بكڕێت، ئه‌ویش كه‌ ناسیاوی خۆیه‌تی خانووه‌كه‌ی بۆ ده‌فرۆشێت و له‌گه‌ڵ ئه‌وه‌شدا خانویه‌كی بۆ ده‌دۆزێته‌وه‌، به‌ڵام خاوه‌نی‌ نوسینگه‌كه‌ كه‌ ناوی‌(به‌ختیار)ه‌ ناسیاوی‌ سالاره‌ كاتێك ده‌زانێت سالار بڕه‌ پاره‌یه‌كی‌ زۆری‌ كۆكردۆته‌وه‌، هه‌ر ئه‌و شه‌وه‌ پیلان داده‌نێت كه‌بچێته‌ ماڵی سالار و ئه‌و پاره‌یه‌ بدزێت، بۆیه‌ شه‌و دره‌نگ به‌ختیار هه‌ڵده‌كوتێته‌ سه‌رماڵی سالار و هه‌وڵی دزینی پاره‌كه‌ ده‌دات، به‌ڵام له‌ناكاو یه‌كێك له‌منداڵه‌كانی سالار له‌خه‌و هه‌ڵده‌ستێت و كه‌ ئه‌و پیاوه‌ له‌ماڵه‌كه‌یاندا ده‌بینێت هاوار ده‌كات، له‌و كاته‌دا سالار به‌خه‌به‌ردێت و  هه‌وڵده‌دات په‌لاماری دزه‌كه‌ بدات، به‌ڵام سالار نازانێت كه‌ به‌ختیاره‌ تاوه‌كو له‌كاتی‌ به‌ریه‌ككه‌وتنیاندا ده‌موچاوی‌ كه‌ دایپۆشیوه‌ ده‌رده‌كه‌وێت، به‌ختیاریش كه‌ ئاشكراده‌بێت له‌هه‌وڵدانی‌ بۆ راكردن پاشگه‌زده‌بێته‌وه‌ و ده‌مانچه‌كه‌ی‌ ده‌رده‌هێنێت و دوو فیشه‌ك به‌سه‌ری سالاره‌وه‌ ده‌نێت و ده‌ستبه‌جێ‌ گیان له‌ده‌ستده‌دات.

له‌كاتی‌ شه‌ڕه‌كه‌دا كوڕێكی سالار كه‌ ته‌مه‌نی 16ساڵه‌ په‌لاماری‌ به‌ختیار ده‌دات و باوه‌شی‌ پێداده‌كات بۆئه‌وه‌ی‌ رانه‌كات، به‌ختیاریش فیشه‌كێك به‌كوڕه‌كه‌ی‌ سالاریشه‌وه‌ ده‌نێت و هه‌ڵدێت، دوای ئه‌وه‌ی كه‌خه‌ڵكی گه‌ڕه‌كه‌كه‌ پێیده‌زانن و پۆلیس ئاگادارده‌كه‌نه‌وه‌، له‌كاتی‌ لێكۆڵینه‌وه‌دا ژنه‌كه‌ی سالار وه‌سفی ده‌موچاوی به‌ختیار بۆ پۆلیس ده‌كات و دوای یه‌ك مانگ به‌ختیار ده‌ستگیرده‌كرێت، دادگا به‌پێی مادده‌ی(406) له‌یاسای سزادانی عیراقی سزای له‌سێداره‌دانی به‌سه‌ردا ده‌سه‌پێنێت.

تێبینی: ئه‌م ڕووداوه‌ ڕاسته‌قینه‌یه‌و له‌یه‌كێك له‌دادگاكان تۆماركراوه‌، ناوه‌كانیش سه‌رجه‌میان خوازراون، ئامانج له‌بڵاوكردنه‌وه‌ی‌ هۆشیارییه‌.

مانگ پێشتر - Oct 21 2017 9:46AM
11821
بابه‌تی زیاتر
باوان پلانی‌ پێكهێنانی‌ ژیانی‌ هاوسه‌رێتی‌ له‌زیندان ده...
ئەحمەد بەگریانەوە کوشتنی دایکی دەگێڕێتەوە..هاوسەرگیرییە...
سەعد بەدوو فیشەك كۆتایی بەژیانی مامی هێنا...
به‌ختیار چۆنیه‌تی‌ كوشتنی‌ سالار و ته‌قه‌كردن له‌كوڕه‌ك...
كارزان لەسەر گومان باوكی دەكوژێت و برایەكی برینداردەكات...
سەعید بۆ تۆڵەکردنەوە لەخێزانێک پەلاماری کچەکەیان دەدات...
بۆماوه‌ی‌ سێ‌ مانگ سێكسی‌ له‌گه‌ڵ كردو دواتر كوشتی‌..به...
سه‌ردار ته‌رمی‌ ژنه‌كه‌ی‌ به‌ده‌رمانێك روپۆش ده‌كات...
ناسک بەھۆی سەرمایەکەی باوکییەوە بەچەقۆ کوژرا...
كورد مه‌م و زینی لێ نابڕێت.. چیرۆكه‌ ناخ هه‌ژێنه‌كه‌ی (...
هاوڕێ‌ بۆ هەڕەشەكردن یاری لەشجوانی دەكات...
مامۆستایەک بۆ خۆشەویستی خوێندکارێکی 15 زیندانی دەکرێت...
نازە بەدەرخواردانی ژەهر تۆڵە لە سەعید دەكاتەوە...
منداڵێك په‌یوه‌ندییه‌ نهێنیه‌كه‌ی‌ دایكی‌ ئاشكراده‌كات....
ئەشكان بەدەستی باوكی كوژرا..كەس لەئازای تێنەگەیشت...
ژیار ژنبرایەکی بەچەکوش کوشت...
به‌سه‌رخۆشی‌ په‌لاماری‌ پوری‌ ده‌دات...
دارکۆ دوای دزیکردنی لەدایک و باوکی چی بەسەر ھات ؟...
123