لەکوردستانەوە
شێخ کەریم لەھەڵەبجەوە ناوبانگی پەیدا کردووە
SNN: کۆسار مەحمود

لەھەڵەبجە فرۆشیارێکی بەرھەمی سپیایی خۆماڵی بەھۆی باشی و بەتامی جۆری بەرھەمەکانیەوە ، کڕیارێکی زۆری ھەیە و ماوەیەکی زۆرە سەرقاڵی ئەم کارەیە، بەجۆرێک کەم کەس ھەیە ناوبانگی ئەوی نەبیستبێت
لەم بەسەرکردنەوەیەی  SNNدا شێخ کەریمتان پێ دەناسێنین.
شێخ کەریمی شێخ کازم ، ئەو فرۆشیارەیە کە ماوەی ٢٦ ساڵە لە پارێزگای ھەڵەبجە ، بەبێ دابڕان دوکانی فرۆشتنی بەرھەمی سپیایی و شیرەمەنی خۆماڵی ھەیە، شێخ کەریم خوێندنی کشتوکاڵی لەسلێمانی تەواو کردووە و ھەر لەھەمان بوار پەیمانگەشی تەواو کردووە لە شاری بەغداد .
شێخ کەریمی شێخ کازم بەSNNی وت : ماوەیەکی زۆرە سەرقاڵی ئەم کارەم و بژێوی ژیانیشم ھەر لەسەر ئەوەیە ، رۆژانە کاتژمێر چواری بەیانی دوکان دەکەمەوە تا درەنگانێکی ئێوارە و بەرھەمی خۆماڵی بە گشتی لە جۆرەکانی (ماست ، قەیماغ ، پەنیر ، ھەنگوین ، شۆکە ، ھێلکەی کوردی ، زەیتون ، کەرەی کوردی ، دۆوشکە ، ڕۆنی کوردی ،شیر ، دۆ ، دۆشاوی ھەنار و دۆشاوی توو ، کەشک ، گوێز، و دۆینە) دەفرۆشم.
وتیشی : کڕیارێکی زۆر لە شارەکانی ھەولێر و سلێمانی و کەلار و دەربەندیخان و شوێنەکانی دیکەوە سەردانم دەکەن و بەرھەمەکانیان بە دڵە، بە گشتی رۆژانە نزیکە ی ٥٠٠ ھەزار دینار فرۆشی بەرھەمم ھەیە.
شێخ کەریم وەک خۆی دەڵێت :" بیرم لە گۆڕینی ئەم پیشەیە نەکردۆتەوە و ھەر ئەمەش ھۆکاری سەرکەوتنمە و ڕۆژانێک ھەبووە ھیچ  بازاڕێکم نەبوە ، بەڵام بە تێپەڕ بونی کات باش بووە "،
وتیشی لەرووی پاک و خاوێنییەوە خەڵاتی  بەڕێوەبەرایەتی تەندروستی ھەڵەبجەم پێدراوە.
لەبارەی چۆنیەتی ئامادە کردنی بەرھەمەکانیشەوە ئاماژەی بۆ ئەوەشکرد : چەند بەرھەمێک کە لەم سنورە نییە ،  لە سلێمانیەوە بۆم دێت ، بەڵام زۆرینەی بەرھەمەکان ،ھی گوندەکانی نزیکی ھەڵەبجەیە بۆم دێت ، و ئەوانەشی بۆم دەنێرن ، وانەی تایبەتییان پێ دەڵێم لە چۆنیەتی ئامادەکردنی بۆ ئەوەی بەرھەمێکی باش بێت و زوو خراپ نەبێت.

gellerytitle

gellerytitle

gellerytitle

gellerytitle

gellerytitle

gellerytitle

gellerytitle

8 مانگ پێشتر - Nov 6 2017 11:20AM
7483
بابه‌تی زیاتر