لەکوردستانەوە
بەتەمەنترین ژنی جیھان لەشارەزوورە
SNN: ھەرێم عەبدولڕەحمان

"سەلما عەبدولقادر" دانیشتوی قەزای شارەزوری سەر بەپارێزگای سلێمانیە، تەمەنی گەیشتۆتە  نزیکەی ١٢١ ساڵ، زیاتر لەپێنج پشتی منداڵ و نەوەکانی خۆی دیوە،لەچاوپێکەوتنێکیشدا SNN ژیان و تەمەنی ئەو ژنە دەخاتەڕو.
ئاراس عەزیز کوڕەزای سەلما عەبدولقادر سەبارەت بەتەمەنی نەنکی لەلێدوانێکدا بۆ SNNوتی":لەئێستادا تەمەنی نەنکم نزیک دەبێتەوە لە ١٢١ ساڵ، لەدایکبوی ساڵی ١٨٩٧ خاوەنی پێنج کوڕ و سێ کچە، ھەروەھا ٢٠٤ نەوەی ھەیە.
وتیشی": نەنکم زیاتر لەپێنج پشت نەوەی خۆی بینیوە، لەئێستاشدا لەڕووی ھەڵسوکەوتەوە باری تەندروستی زۆر باشە، تەواوی نوێژەکان و ڕۆژوی مانگی ڕەمەزانیش دەگرێت، بەردەوام خەریکی خواپەرستیشە.
ئەوەشی وت": نەنکی ھەموو خواردنێکیش دەخوات بەبێ ھیچ کێشەیەک، تائێستاش ھیچ نەشتەرگەرییەکی بۆ نەکراوە سەردانی دکتۆریشی نەکردوە بۆ چارەسەر،تەنھا لەھەندێک کاتدا مەگەر شروبێکی وەرگرتبێت بۆ قۆڕگ ئێشە یان ھەڵامەت.
باسی لەوەشکرد، نەنکم بەتەمەنترین کەسی جیھانەو ناوی چۆتە کتێبی گینسەوە.
کوڕەزاکەی بەتەمەنترین ژنی کورد ئەوەشی باسکرد کەبەھۆی زۆری تەمەنەکەشیەوە لەلایەن حکومەتەوە بەشە خۆراکی مانگانەی بڕاوە، چونکە پێمان دەڵێن، ئەو کەسە لەژیاندا نەماوەو مردوە.  
gellerytitle

gellerytitle

gellerytitle

gellerytitle

gellerytitle

gellerytitle

gellerytitle

gellerytitle

gellerytitle

2 مانگ پێشتر - Nov 8 2017 1:19PM
15766
بابه‌تی زیاتر