لەکوردستانەوە
بۆ چارەسەری گرفتە تەندروستییەکانتان خورمالو بخۆن
SNN: کۆسار مەحمود

خورمالوو یەکێکە لەمیوە وەرزییەکان و ساڵانە لەوەرزی پاییزدا پێدەگات و ڕەنگێکی پرتەقاڵی ھەیە و شێوەی لە تەماتە دەکات ، و شارەزایەکی دەرمانی گیایی چەندین سودی بۆ مرۆڤ ئاشکرا دەکات
لەوبارەیەوە "وشیار عەبدولکەریم" شارەزای دەرمانی گیایی بەSNNی ڕاگەیاند : خورمالوو تامێکی شیرینی ھەیە و پێکھاتەکەی شیرینی و چەوری و پرۆتینی تێدایەو دەوڵەمەندە بە ڕەگەزە کانزاییەکان، جگەلەوەی ڕێژەیەکی زۆر کالۆری تێدایە
وتیشی : چەند سودێکی ھەیە لەوانە دژە بەکتریایە و ھەستی تەمەڵی کەم دەکاتەوەو بەسودە بۆ چارەسەری قژ ھەڵوەرین و گرژ بوونی ماسولکەکان ناھێڵێت، وە بەسودە بۆ نەخۆشیەکانی گەدەو ڕیخۆڵەو ھەوکردنی گورچیلەو سنگ ،ومیز ڕانەگرتن و غودەو کەم خوێنی و فشاری بەرز.
وشیار عەبدولکەریم ھۆشداریشی دا لەوەی ئەم میوەیە زیانی بۆ توشبوانی نەخۆشی شەکرە ھەیە، چونکە شەکری لەجۆری کلۆکۆزی تێدایە، وتیشی گرنگە بەتازەیی و پێگەیشتویی بخورێت و ھەفتەیەک بەسەر لێکردنەوەیدا تێپەڕ نەکات،یان واباشترە کەلەساردکەرەوەدا ھەڵبگیرێت، بۆ ئەوەی خراپ نەبێت و سودەکانی لەدەست نەدات.
gellerytitle

gellerytitle

8 مانگ پێشتر - Nov 12 2017 1:32PM
10027
بابه‌تی زیاتر