لەکوردستانەوە
ھۆکارەکانی توشبون بەئۆتیزم لەمنداڵاندا
SNN: کۆسار مەحمود

ڕێکخراوی کەمئەندامانی ھەڵەبجە سیمنارێک لەبارەی ئاشنا بوون بەئۆتیزم و چۆنیەتی مامەڵەکردن لەگەڵ ئەو حاڵەتە بۆ بەخێوکەرانی منداڵان ئەنجام دەدات و ڕاوێژکارێکی دەرونیش دەڵێت، باشترین چارەسەر بۆ حاڵەتەکە  چارەسەری ڕەفتارییە.
لەوبارەیەوە "نیان محەمەد" ڕاوێژکاری دەروونی بەSNNی ڕاگەیاند : ئۆتیزم نەخۆشی نیە، بەڵکو حاڵەتە لەھەموو شوێنێکی دونیا ھەیە و لەڕەگەزی نێر زیاترە وەک لەڕەگەزی مێ وزیاتر لەمنداڵاندا ڕودەدات و ئەکرێ زۆرجار لەتەمەنی گەورەشدا ڕووبدات.
باسی لەوەشکرد : ئەو ھۆکارانەی کەدەبنەھۆی توشبوون ، لەسەدا ٥۰ی بۆماوەییە ، و ھۆکاری بایەلۆجی و کێشەی دەمارەکان ، یان ھۆکاری ژینگەیی و بەکارھێنانی دەرمانی زۆرلەلایەن دایکەکەوە پێش لەدایک بوون یان کەمی چونی ھەوا بۆ منداڵ و کەمی ڤیتامین دی، کاریگەریان ھەیە.
وتیشی : کۆمەڵێک ڕێنمایی ھەیە ئەکرێ بۆ چارەسەر بەکار بھێنرێت لەکاتێکدا منداڵ توشی حاڵەتەکە دەبێت و بەردوامی چارەسەر پێدانەکە وادەکات حاڵەتەکە بەرەو باش بوون بچێت ، وە لەتەمەنی سێ ساڵی دەستبکرێت بەچارەسەر باشترە وەک لەوەی لەتەمەنی حەوت ساڵی یان زیاتر چارەسەری بۆ ئەنجامبدرێت.
سەبارەت بە جۆرو چۆنیەتی چارەسەرەکان ئاماژەی بۆ ئەوەشکرد : چارەسەری پزیشکی و دەرونی و ڕەفتاری بۆ حاڵەتەکە ھەیە ، بەڵام پزیشکی ڕەنگە زۆرجار دەرمان نەمێنێت ئەمەش منداڵ وەک پێشتری لێدێتەوە ، بەڵام ڕەفتاریی گەر بەشێوەیەکی ئەکادیمی  ڕاھێنان بەمنداڵەکە بکرێت ئەوا بەرەو باشبوون دەچێت.
چەند ھۆکارێکی حاڵەتەکە :
١-دواکەوتن لەقسەکردن ، تا تەمەنی چوار ساڵ
٢-نەدانەوەی باوێشک
٣-سەیری چاوت ناکات
٤-پێ ناکەنێت کاتێک بۆی پێ ئەکەنی
٥-وەڵامی نیە ، ھەستی نیە، کاتێک بەناوی خۆی بانگی دەکەی
٦-چاو ناگێڕێت بۆ دەوروبەری
٧-بەدەست بای بای ناکات
٨-ھیچ دەنگێک دروست ناکات بۆ سەرنج ڕاکێشی 
٩-لاسایی جوڵەی دەربڕینی دەمووچاو ناکاتەوە
١٠-لەگەڵ منداڵی تر یاری ناکات
١١-داوای یارمەتیدان ناکات بۆ کارێک
gellerytitle

gellerytitle

2 مانگ پێشتر - Nov 13 2017 10:28AM
3876
بابه‌تی زیاتر