ژینگه
ژینگه
دارکونکەرە بەم شێوەیە دەنگی ھاوڕێکانی دەناسێتەوە
SNN: شارۆ سەراج

دارکونکەرە باڵندەیەکی ڕەنگاوڕەنکە، پیشەی کونکردنی دار و تەختەیە، تەنھا بە دەنگی شێوازی کونکردن و تەپڵ لێدان دەتوانێت ھاوڕێکانی و خۆشەویستەکەی بناسێتەوە. 
بەپێی ئەو توێژینەوانەی لەسەر ئەم باڵندەیە کراوە لە پۆڵەندا، دەنگی ٤١ دارکونکەرەیان تۆمارکردووە، شێوازی دەنگ دروستکردنەکە و تەپڵ لێدانەکەیان لە حاڵەتی جیاوازدا تۆمار کردووە بۆ تیژی و درێژی ماوەی ھەر یەکێکیان. پاشان بە کۆمپیوتەر شیکردنەوەی بۆکراوە و لە ئەنجامدا %٨٦ی دەنگەکان تایبەت بوون بە ناسینەوەی باڵندەکان.
ئەم باڵندانە بۆ ناسینەوە و شوێن کەوتنی یەکتر ئەم دەنگانە بەکاردێنن، ھەروەھا بۆ ڕاکێشانی سەرنجی خۆشەویستەکانیان. ھەندێک لەم باڵندانە دەتوانن بۆ ماوەی ١٠٠ مەتر دەنگ دروست بکەن یان تەپڵ لێبدەن.
توانای دارکونکەرە بۆ کونکردن و تەپڵ لێدان دەگەڕیتەوە بۆ خاسیەتی باشی لەش ڕێکی و بەھێزی ماسولکەکانی مل و سەری.

6 مانگ پێشتر - Feb 8 2018 6:06PM
1176
بابه‌تی زیاتر