لەکوردستانەوە
رەوا جەمال پەیامێک ئاراستەی ھونەرمەندان دەکات
SNN: ھەورامان ھاشم

ئێوارەی ئەمرۆ ١٠ی ٢ی ٢٠١٨ لە سلێمانی، بەریوەبەرایەتی گشتی رۆشنبیری و ھونەری سلێمانی بەھاوبەشی رێکخراوی نازی بێسەرپەرشتان و بەھاوکاری گروپی سەھەند کۆنسێرتێکی خێرخوازی بەناوی "ناز" بۆ ھونەرمەند (رەوا جەمال) سازکرد و داھاتی کۆنسێرتەکەش دەبەخشنە منداڵانی بێسەرپەرشت.

لەوبارەیەوە ھونەرمەند رەوا جەمال، بە SNNی راگەیاند: ھەست بەخۆشییەکی زۆر دەکەم بتوانم لەرێگای ھونەرەکەمەوە ھاوکاری منداڵانی بێسەرپەشت بکەم و بەردەوامیش دەبم لەخزمەتکردنیان، ھونەرمەندان دانەبڕاون لەکاری خێرخوازی، بەڵام پێویستە لەم بارودۆخەکە زیاتر کاری خێرخوازی بکەن.

وتیشی: ھاتنی ئەو خەڵکە زۆرە بۆ کۆنسێرتەکە جێگای دڵخۆشی من بوو، لەبەر ئەوەی کارەکەش خێرخوازییە ھاوڵاتیان زیاتر بەدەنگی ئەم جۆرە کارانەوە دێن.

دەریاز فارس ئەندامی گروپی نازی بێسەرپەرشتان، بۆ SNN وتی: وەکو گروپەکەمان بەھاوکاری ھونەرمەند رەوا جەمال و گروپی میوزیکی سەھەند بڕیارماندا ئێوارە کۆنسێرتێک بۆ منداڵانی بێ سەرپەشت ساز بکەین، لەبەر ئەوەی گروپەکەمان کار بۆ ئەو منداڵانە دەکات و ھاوکات بتوانین لەم رێگایەوە پێداویستیەکانیان بۆ پڕبکەینەوە.

دەریاز دەشڵێت،"منداڵانی بێسەرپەرشت لەگەڵ ئەوەی بێ بەشن لە سۆزی دایک و باوک و لایەنی کۆمەڵایەتی چەند پێداویستیەکی تریشیان ھەیە کە پێویستی بەداھات ھەیەو دەمانەوێت لەم رێگایەوە بۆیان پربکەینەوەو بەدەمەوە ھاتنی ئەو خەڵکە زۆرەش بۆ کۆنسێرتە بۆ ئێمە چاوەڕوان نەکراوبوو".
gellerytitle

gellerytitle

gellerytitle

gellerytitle

gellerytitle

gellerytitle

gellerytitle

gellerytitle

gellerytitle

8 مانگ پێشتر - Feb 10 2018 9:13PM
993
بابه‌تی زیاتر