ته‌ندروستی
ته‌ندروستی
چەند نیشانەیەک کە پێت دەڵێت شەکر زۆر دەخۆیت
SNN: شارۆ سەراج

شەکر ئەو شتە خراپەی ھەموو ئارەزووی خواردنی دەکەین، بەڵام ھەمیشە کاریگەری زۆر خراپ لەسەر تەندروستیمان جێدەھێڵێت، لێرەدا باسی ئەو کێشە تەندروستیانە دەکەین کە شەکر ھۆکارەکەیەتی.
١. زۆر توشبوون بە ئەنفلۆنزا: بەکارھێنانی زۆری شەکر بۆ ماوەیەکی دوور و درێژ سیستەمی بەرگری لەش لاواز دەکات. 
٢. لێڵبوونی مێشک: دوای خواردنی زۆری شەکر تووشی لێڵبوونی مێشک دەبیت، ئەمەش واتای ھەست کردن بە دڵ تەنگی و کەمتر ئاسوودەیی و زیاتر خەمۆک و ھیلاکی، چونکە یاری بە ئاستەکانی شەکر دەکات لە خوێندا.
٣. کێشەکانی پێست: زۆر خواردنی شەکر دەبێتە ھەوکردن و ھەندێک جۆری کێشەی پێست وەک زیپکە، چەوری پێست، پەڵە ... ھتد. ھەروەھا کاریگەری دەکاتە سەر ڕێژەی ئەدرینالین ئەمەش دەبێتە ھیلاکی و دروستبوونی ڕەشی ژێر چاو.
٤. کەمبوونەوەی ووزە و ھیلاکی: ھەموو خواردنێک کە شەکری زۆر تیابوو لە سەرەتادا کەمێک ووزەت دەداتێ، پاشان لەناکاودا ڕێژەکە دادەبەزێت و ماندوو دەبیت.
٥. زیادبوونی کێش: چونکە شەکر ھیچ پرۆتین و ڕیشاڵێکی تێدا نیە ناتوانێت تێرمان بکات، ھەروەھا ڕێژەی کالۆرییەکەی زۆر بەرزە، ڕێژەی ئەنسۆلین بەرز دەکاتەوە کە شەکر دەگوازێتەوە بۆ ئەندامەکانی جەستە، ئەمەش دەبێتە قەڵەوی.
٦. دەبێتە ئالودەبوون: بەپێی توێژینەوەکان زۆر خواردنی شەکر وات لێدەکات ھەمیشە ئارەزووی شەکری زیاتر بکەیت و تامت دەگۆڕێت بۆ خواردن و داوای شەکری زیاتر دەکەیت.
٧. ئارەزووەکان: کاتێک ئارەزووی خواردنی شیرینی و شەکر دەکەیت ڕەنگە جەستەت بێت کە پێت دەڵێک بەرەو ئالوودەبوون چویت، ئەگەر ئەمە ڕوویدا باشترە ڕێگایەک بدۆزیتەوە بۆ کەمکردنەوەی شەکر.

3 مانگ پێشتر - Feb 11 2018 8:17PM
16350
بابه‌تی زیاتر