کۆمه‌ڵایه‌تی
کۆمه‌ڵایه‌تی
٥ ھەڵەی پارەو دارایی پەیوەندی ھاوسەرێتی تێک دەدات
SNN: 

گرفتە داراییەکان یەکێکە لەگرنگترین ئەو بابەتانەی کەدەبێتە ھۆی دروستبونی گرفتی گەورە لەنێوانی پیاوان و ژناندا و پەیوەندیی ھاوسەرێتی لەبەریەک ھەڵدەوەشێنێت و بۆ رێگایەکی داخراوی دەبات. 
بۆ رێگری لەوەی گرفتە داراییەکان ژیانی ھاوسەران تێک بدات، "جاکلین نیومان" شارەزای بواری پەیوەندییەکانی ھاوسەران لەئەمریکا چەند ھەڵەیەکی دارایی دەستنیشان کردوە کەدەبێ خۆی لێ بەدووربگیرێت بەم جۆرە: 
١. پارەشاردنەوە: پەیوەندیی ھاوسەرێتی پەیوەندییەکی ھاوبەشە و متمانەی ھاوبەش پێکیانەوە دەبەستێتەوە بۆیە شاردنەوەی بڕێک پارە ئەگەر بۆ سودی ھەردولاش بێت زیانی دەبێ بۆ پەیوەندییەکە و وەک جۆرێک لەدرۆ دەزانرێت کەبەئاشکرابونی گرفتی تر دروست دەکات کەبێ متمانەییە. 
٢. شاردنەوەی قەرز: ئەمەش گرفت دروست دەکات و متمانە ناھێڵێ و حاڵەتی ناجێگیری دروست دەکات و دەبێتە ھۆی کۆتایی ھاتنی ھاوسەرێتییەکەیان. 
٣. زیادمەسرەفی یاخود سەرفکردنی زۆری پارە لەلایەن ھەریەکەیانەوە یەکێکە لەھۆکارەکانی ناکۆکی ھاوسەرێتی و گرفتی دارایی دروست دەکات بەھۆی زۆر سەرفکردنەوە کەدەبێتە ھۆی ئەوەی خێزانەکە بکەوێتە ژێر باری قەرزێکی زۆرەوە. 
٤. کاتێ ژنان کۆنترۆڵی باری دارایی دەکەن : ئەمەش کاتێ ژنەکە پارەی زیاتر پەیدا بکات پیاوەکە توشی گرفتی دەروونی دەکات و کاردانەوەی نەرێنی دەبێ لەمامەڵەکردنیدا، ئەمەش دواجار کاردانەوەی نەرێنی دەبێ و گرفت و کێشە دروست دەکات. 
٥. ناکۆکی دارایی: نیومان دەڵێت ناکۆکی دارایی نێوان ژن و ھاوسەرەکەی دەبێتە دەرەنجامێکی کارەساتبار لەبارەی پەیوەندییەکەیانەوە، بۆ نمونە ئەگەر ژن داخوازی زۆربێت و پیاو پارەکەی نەبێت گرفت لەنێوانیان دروست دەبێت.

3 هەفتە پێشتر - Oct 28 2018 8:01PM
1266
بابه‌تی زیاتر