ترافیک
سودەکانی شتنی ئۆتۆمبیل بەھەڵمی ئاو
SNN: 

شۆفێران ھەفتانە ئۆتۆمبیلەکانیان دەشۆن بۆ پاراستن و پاککردنەوەو درەوشانەوە و پاراستنی لەزیانەکان، ئەمەش بەسابون و دەرمان و شامپۆ و ئاو دەبێ، بەڵام ھەموان دەزانین ئەم شێوازە زیانی دەبێ بۆ بیەی ئۆتۆمبیلەکە، بۆیە ھەندێ جار پەنا دەبرێتە بەر شتنی ئۆتۆمبیل بەھەڵمی ئاو. 
ئەمەش رێگایەکە بۆ فەرش و جلوبەرگ دەگیرێتە بەر ، بۆیە با بزانین سودی چیە ئۆتۆمبیل بەھەڵمی ئاو بشۆیت: 
١- لەشێوازی ئاسایی شتنی ئۆتۆمبیلدا ئاوێکی زۆر بەفیڕۆ دەروات بەڵام لەکاتی شتنیدا بەھەڵم تەنیا ٢ لیتر ئاوی پێویستە ئەمەش بەسوودە بۆ پاراستنی ژینگە. 
٢- ئەم شێوازە لەپاککردنەوە بەسوودە بۆ گەیشتن بەشوێنە تەسکەکانی ئۆتۆمبیلەکە و کەبەبەکارھێنانی شێوازە کۆنەکە پێی ناگەیت، ھاوکات پیسیەکان لێک جیادەکاتەوە و لای دەبات . 
٣- شتنی ئۆتۆمبیل بەھەڵم بەسوودە بۆ پاراستنی بۆیەی ئۆتۆمبیلەکە، چونکە رێگا ئاساییەکانی شتنی ئۆتۆمبیل لەگەڵ لێکردنەوەی پیسییەکاندا و بەھۆی مادە کیمیاییەکانەوە بۆیەکەش دەڕوشێنێ و ئەگەر ئاوەکە بەھێز بێت زیان بەبۆیەکە دەگەیەنێت.
٤- ھەڵمی ئاو بەسوودە بۆ پاکردنەوەی ئۆتۆمبیلەکە لەناوەوە، بەوپێیەی میکرۆب و بەکتریا و بۆنی ناخۆش ناھێڵێت.

2 هەفتە پێشتر - Nov 1 2018 1:48PM
371
بابه‌تی زیاتر