کۆمه‌ڵایه‌تی
کۆمه‌ڵایه‌تی
ناکۆکی و دەمەقاڵی ھاوسەران ئەم سودەشی ھەیە
SNN: 

رەنگە بابەتەکە گرنگ دیارنەبێ بەڵام لەگەڵ بونی ناکۆکی و گرفتی پەیوەندیدارەوە بەھاوسەران ئەمە سودی دەبێ بۆ ھەردوولا، بەجۆرێک توێژەران سەلماندوویانە ئەو ھاوسەرانەی پێکەوە بەیەک ئاست کێشمەکێک و دەمەقاڵێ لەگەڵ یەک دەکەن مەترسی کەمتری توشبونیان بەگرفتی تەندروستی یان مردنی پێشوەخت ھەیە. 
ئەمەش تەنیا ئەو ھاوسەرانە دەگرێتەوە کەوەک یەک توڕە دەبن و وەک یەک دەمەقاڵێیانە، نەک ئەوانەی یەکێکیان توڕە دەبێ و ئەوی تر بێدەنگ دەبێ. 
بەپێی زانیارییەکانی رۆژنامەی دەیلی مەیلی بریتانی توێژەرانی زانکۆی ئەریزۆنا لەئەمریکا پشکنینیان بۆ ١٩٢ ژن و مێردکردوە بەدرێژایی ٣٢ ساڵ ، لەوبارەیەوە توێژەر "کایل بۆراسا" رایگەیاندوە ھەرچەند ناھاوسەنگی ھەبێ لەروی شێوازی مامەڵەکردن لەگەڵ توڕەبونی ھاوسەراندا ھێندە مەترسی مردنی پێشوەخت زیاد دەکات، ئەگەر وەڵامەکان جیاواز بن دەبێتە کێشمەکێشی رۆژانە و بەدرێژایی رۆژ.
بەڵام ئەو ھاوسەرانەی شێوازی مامەڵەکردنیان چونیەکە و وەک یەک توڕە دەبن و ناکۆکیان ھەیە و کەسیان لەوی تر کەمتر نیە، ئەوا کەمتر توشی گرفتی تەندروستی دەبن و ژیانیان لەمردن و کاریگەرییەکانی ناکۆکییە خێزانییەکان پارێزراوە.

6 مانگ پێشتر - Dec 18 2018 1:56PM
2673
بابه‌تی زیاتر