لەکوردستانەوە
بەوێنە: تووری ١ مەتری لەھەڵەبجە بەرھەمھات
SNN: کۆسار مەحمود

وەرزی لێکردنەوەی توور ، بەردەوامی ھەیە ، و جوتیارانی گوندی تەپە تۆڵەکە لەلایەک دڵخۆشن بە باشی بەرھەمەکانیان ، لەلایەکیش نەبونی بازاڕو نرخێکی گونجاو بۆ ساغکردنەوەی نیگەرانی کردوون.

gellerytitle

عوسمان ئەحمەد جوتیارێکی گوندی تەپە تۆڵەکەی نزیک ناحیەی سیروانی سەر بە پارێزگای ھەڵەبجەیە ، نزیکەی سێ دۆنم زەوی تەرخانکردووە بۆ بەرھەم ھێنانی توور ، کەلە ھەر دۆنمێکدا زیاتر لە ھەشت تۆن بەرھەمی تووری دەبێت.

gellerytitle

عوسمان ئەحمەد بەSNNی ڕاگەیاند : ساڵانە لە مانگی شەش تۆوی تور ئەگیرێت و لەناوەڕاستی مانگی ھەشت بەدواوە بەپێی خواستی جوتیار خۆی تۆوەکە ئەوەشێنرێت بەزەویەکاندا ، و دواتر کوتی لێدەدرێت

gellerytitle

وتیشی : لەدوای وەشاندنی تۆو مانگێک ئاو ئەدرێت و وەرزی باران نزیک دەبێتەوە ، دواتر وەرزی پێگەیشتنی تورەکە دێت و گەر کەشوھەوا گونجاو بێت ئەوا ، تامانگی سێی ساڵی داھاتوو بەرھەمی دەبێت .

gellerytitle

ساڵح سۆران یەکێکی ترە لەجوتیارەکانی گوندی تەپە تۆڵەکەو بەSNNی ڕاگەیاند : زۆر جار باران ڕێگر دەبێت لەکارکردنمان و بەردەوامی باران دەبێتە ھۆی خراپ بوون و ساغ نەبوونەوەی توورەکە.

gellerytitle

ئەم توورەی بەدەست جوتیارەکەوەیە ٨۲ سانتیمەترە و بەجیا ھەڵیگرتووە لەماڵەوە .

gellerytitle

ئەوەشیخستەڕوو : بۆ ئەوەی توور زوو بکەوێتە بازاڕ ، پێویستە زوو تۆوەکەی بوەشێنرێت ، بەگشتی بەرھەمی ئەم زەویانەی شارەزوور زۆر باشن ، ھەرچەندە بەھۆی بەردەوامی بەکار ھێنانیان ھیلاک بوون

gellerytitle

ساڵح دەڵێت : توور گەر درەنگ ھەڵی بکەنیت قەبارەی گەورەتر دەبێت و چەندین جار تێبینی تووری گەورەمانکردووە لە ھەڵکەندندا و تێیدا بووە، لە مەترێک زیاتر بووە ، وە کێشەکەشیان بە گشتی نزیکی حەوت کیلۆ بووە.

gellerytitle

سەرەڕای بەرھەمی باشی توور ، بەڵام جوتیاران نیگەرانن لە ساغ نەبوونەوەی بەرھەمەکانیان بەشێوەیەکی باش ، و ئاماژە بەوەدەکەن ، پێش قەیرانی دارای پارەیەکی زۆری دەکرد ،

gellerytitle

بەڵام ئێستا چەند ھێندە لەپێشتر کەمی کردووە و داواکارن لە حکومەت و لایەنی پەیوەندیدار ھاوکاریان بێت لە ساغکردنەوەی بەرھەمەکانیان بەگشتی و پشت بەستن بە بەرھەمی ناوخۆ.

gellerytitle

جێی باسە توور لەڕووی تەندروستیەوە چەندین سودی ھەیە و دەوڵەمەندە بە دژە ئۆکسان و دژی شێرپەنجەیە، مادەی خۆراکییەکانی تێدایەو ھاوکاری دابەزاندنی ڕێژەی کۆلیسترۆڵ و سوتانی چەوری دەکات.

gellerytitle

بەھۆی ئەوەی ڕیشاڵی تێدایە توور چارەسەرێکی باشە بۆ کەمکردنەوەی مایەسیری و گرفتی ھەرسکردن و قەبزی .

gellerytitle

gellerytitle

gellerytitle

gellerytitle

2 هەفتە پێشتر - Feb 6 2019 9:54AM
30910
بابه‌تی زیاتر
ھاوەڵی دوومی شاجوان بەڵێننامەیەک واژۆ دەکات...
ئاسۆس جاف دوو پرۆژە پەیکەری نوێ ئاشکرادەکات...
بۆیەکەمینجار ئەم فێستیڤاڵە لەسلێمانی بەڕێوەدەچێت ...
بەم باجە خۆت لەنەخۆشییە گواستراوەکان بپارێزە ...
بەڤیدیۆ: تەقینی سەرچاوەی ئاوی سەیرانگای جاوگ...
ھەڵەبجە گوڵی سوری بەخشییەوە...
پلانی گەشتیاری و پێشوازی لەوەرزی بەھار جێبەجێ دەکرێت...
دەربەندی پەپوولەی شێرکۆ بێکەس ھەڵەبجە سەوز دەکات...
ھەڵەبجە دەبێتە یەکەم شوێن کەعەلاگەی تێدا بەکارنایەت...
بەوێنە: تووری ١ مەتری لەھەڵەبجە بەرھەمھات...
توانای ھونەریی قوتابخانەو خوێندنگەکان دەخرێتەڕوو ...
چیتر لەکوردستان خانوو بەپاسیڤ ھاوس دروست دەکرێت...
کۆمەڵگەیەکی پەروەردەیی تەواو دەکرێت ...
چالاکی ھونەری بۆ بیرەوەری ھەڵەبجە وەردەگیرێت...
تارماییەکان ڕەنگ دەکرێن...
ھەڵمەتی کۆکردنەوەی ۳۱ ھەزار کتێب دەستی پێکرد ...
شارەزایەکی ژینگە گومانەکان لەسەر یۆکالیپتۆس دەڕەوێنێتەو...
کێڵان و تۆوکردنی زەوییە کشتوکاڵییەکان دەستی پێکرد...