ترافیک
تاچەند ئاساییە ریقنەی باڵندە لەئۆتۆمبیل نەکەیتەوە
SNN: 

ھەموو کات شۆفێران توشی گرفت دەبنەوە لەساتە بێزارکەرەکاندا کەئۆتۆمبیلەکەیان توشی زیان دەکات، لەنێویاندا پاشماوە و ریقنەی باڵندەکان کەزیان بەبۆیەی ئۆتۆمبیل دەگەیەنێت و کاتێ خێرا پاکی نەکەیتەوە زیانەکان زیاتر دەبێ.
لەوبارەیەوە "کریستیان بتسۆلت"ی شارەزای ئەڵمانی رایگەیاندووە پێویستە بەخێرایی ریقنەی باڵندەکان لێ بکرێتەوە لەماوەی ٢ سەعاتی یەکەمدا تا زیانەکەی زیاتر نەبێ و نەگاتە قوڵایی، و نەبێتە ھۆی دروستبونی چاڵ لەسەر رووی بۆیەکە. 
شارەزا ئەڵمانییەکە رایگەیاندوە پێویستە ھەندێ بۆیەی دار و پاشماوەی مێش و مەگەز ھەیە پاککردنەوەیان پشتگوێ نەخرێت بەوپێیەی ئەگەر زۆر بمێنێتەوە بە ئۆتۆمبیلەکەوە، زیان بەبۆیەکەی دەگەیەنێت، بەوپێیەی زوو لابردنی و کاتێ تەڕ و شێدارە ئاسانترە، ئەگەر زۆریش مایەوە سەرەتا تەڕی بکە یان پارچەیەک قوماشی تەڕ بەکاربھێنە و بیدە لێی پاشان بیسڕە.
ئەو پسپۆڕە رێنمایی دەدات کەئامێری تیژ بەکارنەھێنرێت بۆ پاککردنەوە تا بۆیەکە نەڕووشێنێت بەڵکو بەپارچە پەڕۆی تەڕ و بەنەرمی بەکاربھێنرێت. 

3 مانگ پێشتر - Mar 1 2019 3:15PM
36190
بابه‌تی زیاتر