هەواڵ
بەوێنە..مێرد منداڵێک گیانی لەدەستدا و باوکیشی برینداربوو
لەگوندی وەلی هەیەری سەر بەقەزای كفری، مێردمنداڵێك خۆی هەڵواسی و گیانی لەدەستداو لەكاتی هێنانی بۆ نەخۆشخانەی باوكیشی تووشی روداوێكی هاتووچۆ دەبێت، وتەبێژی پۆلیسی گەرمیانیش رایدەگەیەنێت: منداڵەكە لەخانوویەكدا خۆی هەڵواسیوەو خاوەنی ماڵەكە دەستگیركراوە.

عەلی قەدوری وتەبێژی پۆلیسی گەرمیان لەڕاگەیەنراوێكدا كە وێنەیەكی دەست SNN كەوتووە، رایگەیاند: ئێوارەی ئەمڕۆ 13ی ئەیلول، لەگوندی وەلی هەیەر سەر بەقەزای كفری مێردمنداڵێك بەناوی(بیلال حەسەن غازی) لەدایكبووی 2004 خۆی هەڵواسی و گیانی لەدەستدا.

وتیشی"لەكاتی هێنانی بۆ نەخۆشخانەی شەهید هەژار، باوكی مندڵەكە تووشی رووداوی هاتوچۆ بووە".

لەڕاگەیەنراوەكەدا هاتووە،"بەوتەی شایەتحاڵەكان ئەو مێردمنداڵەی خۆی هەڵواسیوە دانیشتووی قەزای كەلارەو لەگەڵ باوكی كەوەستای خانووە بەمەبەستی كاركردن چونەتە گوندی وەلی هەیەر لەكاتێكدا باوكی سەرقاڵی كاركردن بووە لەژورێكی ئەو خانووە، ناوبراو خۆی هەڵواسیوەو گیانی لەدەستداوە".

ئەوەش روونكراوەتەوە، كە باوكی منداڵەكە بەئۆتۆمبێلێكی جۆری داوێ لەدوای تەرمی كوڕەكەی بۆ قەزای كەلار هاتووەو خۆی بەدوو ئۆتۆمبێل كێشاوە لەئەنجامدا بەسەختی برینداربووە، دوای چارەسەری پێویست لەبەشی فریاكەوتنی شەهید هەژار لەكەلار بەهۆی سەختی برینەكەیەوە ڕەوانەی نەخۆشخانەی سلێمانی كرا.

لەئێستادا بەبڕیاری دادوەر یەكێك لەو شۆفێرانە بەپێی ماددەی 23ی هاتووچۆ بەندكراوەو خاوەنی ئەو خانووەش كە رووداوەكەی تێدا ڕوویداوە بەندكراوە.

وتەبێَژی پۆلیس گەرمیان راشیگەیاندووە، كە پۆلیس لەسەر ڕووداوەكە دەستی بەلێكۆڵینەوە كردووە.


SNN:

بەشی ھەواڵ

 هەفتە پێشتر - Sep 13 2017 5:31PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2016 SNN. All Rights Reserved.