هەواڵ
بڕیارێكی نوێ لەبارەی هێڵی نۆرماڵی ماڵانەوە دەدرێت
وەزارەتی گواستنەوە و گەیاندنی حكومەتی هەرێم روونكردنەوە لەبارەی تۆڕی هێڵەكانی پەیوەندیی ناوماڵ دەدات و وتەبێژی وەزارەتەكەش ئاشكرایدەكات كە بڕیاردراوە چاكسازیی لەسەرجەم تۆرەكانی پەیوەندیی ناوماڵدا بكەن و شێوازی وەرگرتنی پارەكەش دەخاتەڕوو.

ئومێد محەمەد وتەبێژی وەزارەتی گواستنەوە و گەیاندنی حكومەتی هەرێمی كوردستان لەلێدوانێكدا بۆSNNرایگەیاند: شێوازی وەرگرتنی پارەی هێڵی نۆرماڵی ماڵان هیچ گۆڕانكارییەكی تێدا نەكراوە و ئەو ماڵانەی خزمەتگوزاری ئینتەرنێتیان لەرێی ئەو هێڵەوە پێگەیەندراوە مانگانە لەگەڵ وەرگرتنی پارەی ئینتەرنێتدا پارەی هێڵی نۆرماڵیان لێوەردەگیرێت.

وتیشی: ئەو ماڵانەی خزمەتگوزاری ئینتەرنێتیان لەسەر هێڵەكانی پەیوەندی ناوماڵ دانەنراوە هەر سێ مانگ جارێك پارەی هێَڵی پەیوەندی ناوماڵیان بەسەریەكەوە لێوەردەگیرێت.

ئاشكراشیكرد،"بڕیارداوە چاكسازی لەتۆری پەیوەندییەكانی ناوماڵ و گەڕەكان بكرێت و هەوڵدەدرێت میكانیزمێك دابنرێت كە لەگەڵ سیستمەكانی پێشكەوتووی خزمەتگوزارییەكانی ئینتەرنێَت بگونجێت، كە بتوانرێت گرفت گەیاندنی خزمەتگوزارییەكانی ئینتەرنێت بۆ هاوڵاتیان دروست نەكات".


SNN:

بەشی ھەواڵ

  2 مانگ پێشتر - Sep 13 2017 7:17PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2016 SNN. All Rights Reserved.