هەواڵ
لاھور شێخ جەنگی پەیامێکی بەپەلە بڵاودەکاتەوە
لاھور شێخ جەنگی لێپرسراوی ئاژانسی پاراستن و  زانیاری/زانیاری ھەرێمی کوردستان ئاشکرایدەکات دەگەڕێنەوە ئەو شوێنانەی کەپێشتر ھێزەکانی پێشمەرگەی تێدابووە لە ناوچە دابڕێندراوەکان و تەئکیدیشدەکاتەوە ئەو گفتوگۆ و رێککەوتنانەی لەئێستادا دەکرێت بۆمانەوەی ٣٦ بیرە نەوتە لەژێر دەسەڵاتی  بنەماڵەیەکدا.

لەمیانەی بەرێوەچوونی مەراسیمی تایبەت بە چلەی ماڵئاوایی سەرۆک مام جەلال، لاھور شێخ جەنگی لێپرسراوی ئاژانسی پاراستن و  زانیاریی ھەرێمی کوردستان  رایگەیاند: میللەتەکەمان و تەواوی ھاوڵاتیانی ناوچە دابرێندراوەکان دڵنیا دەکەینەوە  دەگەرێینەوە ئەو ناوچانەی پێشتر تیایدا بووین، بەڵام پێویستە دان بەخۆداگربین.

دەشڵێت: ئەوەی روویدا لەو ناوچانە شکستێکی سیاسی سەرکردایەی سیاسی کوردە. 

لاھور شێخ  جەنگی باسی لەوەشکرد  ئەو کۆبوونەوە و گفتوگۆیانەی لەئێستادا دەگوزەرێت" بۆمانەوەی ئەو 36 بیرە نەوتەیە لە چەند شار و شارۆچکەیەکدا، کە لەژێر دەسەڵاتی وەزارەتی سامانە سروشتیەکانیشدا نییە و لەدەستی بنەماڵەیەکدایە"، قسە بۆ گەڕانەوەی ھێزی پێشمەرگە بۆ ناوچە دابراوەکان و شوێنەکانی پێشتریان نەکراوە.

لەبارەی بەستنی کۆنگرەی یەکێتیەوە کە بڕیارە سەرەتای ساڵی داھاتوو ئەنجام بدرێت، لاھور شێخ جەنگی وتی: لە دواکۆبوونەوەی ئەنجومەنی سەرکردایەتیدا بڕیاری ھەڵوەشانەوەی مەکتەبی سیاسی یەکێتی دراوە لەبەرامبەریشدا قسە لەسەر دیاریکردنی دەستەیەکی نوێ تا کاتی کۆنگرەکراوە، بۆیە پێویستە ھەنگاو بۆ بەستنی کۆنگرە بنرێت و یەکێتی نوێ بکەینەوە.

لەبارەی چوونەپێشەوەی کادرانی گەنج بۆ ناوەندی بڕیار لە یەکێتیدا، لاھور شێخ جەنگی وتیشی: کۆنگرە بڕیاری کۆتایی لەبارەی کادرانی گەنج لەریزەکانی یەکێتی و ناوەندی بڕیاری حزب دەدات.


SNN:

محەمەد حیکمەت

 هەفتە پێشتر - Nov 10 2017 5:31PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2016 SNN. All Rights Reserved.