هەواڵ
پەیامێك بۆ دایكان و باوكان..نەخۆشیەكی منداڵان بڵاوبۆتەوە
جۆرە نەخۆشیەك لەناو منداڵاندا بڵاوبۆتەوە، پسپۆڕێكی نەخۆشیەكانی منداڵانیش لەبارەی ئەو جۆرە نەخۆشیەوە هۆشداری بەدایكان و باوكان دەدات و وردەكاری نیشانەكانی نەخۆشیەكەو چۆنێتی چارەسەركردنی ئاشكرادەكات.

د.كۆچەر عومەر پسپۆڕی نەخۆشیەكانی منداڵان بەSNNی ڕاگەیاند، "جۆرە نەخۆشیەك لەناو منداڵاندا بڵاوبۆتەوە كە بەنەخۆشی (دەست، دەم و قاچ) ناودەبرێت، پێویستە دایكان و باوكان ئاگاداری منداڵەكانیان بن و لەكاتی هەستكردن بەنەخۆشیەكە پێویستە منداڵەكە لەماڵەوە بمێنێتەوەو نەچێتەوە خوێندنگەو باخچەی ساوایان و كۆبونەوەكانی منداڵان، چونكە نەخۆشیەكە گوازراوەیەو دەگوازرێتەوە".

وتیشی:"نەخۆشیەكە لەڕێگەی هەواوە توشی منداڵەكە دەبێت، نیشانەكانیشی لەسەرەتادا بریتیە لە(تا، تەڕی لوت،  بێتاقەتی و دواتریش بونی زیپكەو سوربونەوەی دەست و قاچ و دەمی منداڵ)، هاوكات هەندێكجاریش دەبێتە هۆی ئازار لەكاتی خواردندا بەهۆی بونی برین لەناو دەمی منداڵەكەدا،  هەندێكجاریش خورانی دەبێت".

پسپۆڕیەكانی نەخۆشیەكانی منداڵان ئەوەشی وت:"كۆرسی نەخۆشیەكە هەفتەیەك بۆ 10 ڕۆژ دەمێنێتەوە، دواتر چارەسەری نیشانەكانی دەكرێت و لەو ماوەیەدا خۆی  خۆی چاكدەبێتەوە، بۆیە پێویستە لەكاتی نیشانەكاندا نەخۆشەكە لەماڵەوە بمێنێتەوەو نەچێتەوە دەرەوە".


SNN:

شادان حەسەن

 هەفتە پێشتر - Jan 7 2018 4:04PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2016 SNN. All Rights Reserved.