هەواڵ
هۆشداری لەدەستپێكردنەوەی بایكۆتی مامۆستایان دەدرێت
وەزارەتی پەروەردە، وادەی دەوستپێكردنەوەی دەوامی خوێندنگەكان لەدوای كۆتایی هاتنی پشووی تاقیكردنەوەكان، ئاشكرا دەكات و بەپرپرسێكی پەروەردەش هۆشداری لە بایكۆتكردنی هۆڵەكانی خوێندن دەدات و راشیدەگەیەنێت: هیوادارین مامۆستایان پەنای بۆ نەبەن".

بەرهەم مستەفا، ئەندامی سكرتاریەتی یەكێتی مامۆستایانی كوردستان، بەSNNی ڕاگەیاند: " لە 23ی ئەم مانگەوە دەوامی خوێندنگەكان دەستپێدەكرێتەوەو چاوەڕوانیشین بەغدا موچە بنێرێت بۆئەوەی پرۆسەی پەروەردە ڕێچكەی خۆی وەربگرێتەوە، لەئەگەری نەناردنی موچەی پەروەردەش لەلایەن بەغداوە، ئەگەری دەستپێكردنەوەی ناڕەزایەتی و بایكۆت هەیە".

سەبارەت بەڕێكاری یاسایی، بەرهەم مستەفا ئاشكرایكرد: تائێستا هیچ مامۆستایەك لەسەر بایكۆت سزا نەدراوە، كاتێكیش ناڕەزایەتی دەربڕیووە داواكارییەكانیان ڕەوا بووە لەنەچوونەوەیان بۆ قوتابخانە.

جەلال هەمزە، بەڕێوەبەری گشتی یەكەی سەرپەشتیاری لەوەزارەتی پەروەردەی حكومەتی هەرێم، بەSNNی ڕاگەیاند: ئێمە لەهەوڵداین بۆ هاندانی مامۆستایان كە بایكۆتی هۆڵەكانی خوێندن نەكەن و بەردەوامی بەدۆخی ئێستا بدەن، هیواداریشین بژاردەی بایكۆت هەڵنەبژێرن، چونكە هیوا هەیە بارودۆخەكە باشتر بكرێت.

سەبارەت بەڕێكاری یاسایی، جەلال هەمزە وتی: "بۆ سزادانی مامۆستایان هیچ وەڵامێك لای ئێمە نییە، بەڵام بەرنامەو شێوازی دەوامكردن دیاریكراوە".

ئەو بەرپرسەی پەروەردە، ئامادە نەبوو لەسەر ڕێكارە یاساییەكانی بەرامبەر ئەو مامۆستایانەی بایكۆتی هۆڵەكانی خوێندن دەكەن، هیچ زانیاریەكی زیاتر بخاتەڕوو.


SNN:

ڕەنج تاڵیب

 3 ڕۆژ پێشتر - Jan 13 2018 5:56PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2016 SNN. All Rights Reserved.