هەواڵ
گەشتی ڕاستەوخۆی فڕۆکەخانەکانی ھەرێم دەستپێدەکاتەوە
گەشتی ڕاستەوخۆی فڕۆکەخانەکانی ھەرێمی کوردستان دەستپێدەکاتەوەو بەڕێوەبەری فڕۆکەخانەی نێودەوڵەتی سلێمانیش ڕونکردنەوە دەدات و پەرلەمانتارێکی کوردیش وردەکاریی زیاتر لەوبارەیەوە ئاشکرادەکات.

تاھیر عەبدوڵڵا بەڕێوەبەری فڕۆکەخانەی نێودەوڵەتی سلێمانی بەSNNی ڕاگەیاند، "حکومەتی عیراق ڕەزامەندی نیشانداوە بەئەنجامدانی گەشتی ڕاستەوخۆی حەج و عومرە لەڕێگەی ھەردوو فڕۆکەخانەکەی ھەرێمەوە، بەڵام تائێستا  ئالیەتی جێبەجێکردن و کاتی دەستپێکردنی گەشتەکان بۆ حەج و عومرە دیارینەکراوە".

ئەوەشی وت:"چاوەڕواندەکرێت لیژنەیەک لەبەڕێوەبەرایەتی گشتیی حەج و عومرە کۆبونەوە ئەنجامبدەن بۆ دانانی میکانیزمێکی گونجاو سەبارەت بەدەستپێکردنەوەی گەشتەکە، پێشتریش بڕیارەکە دراوە، بەڵام وادەی جێبەجێکردنی دیارینەکراوە".

وەکو تاھیر عەبدوڵڵا وتی:"ھیوادارین دەستپێکردنی گەشتی حەج و عومرە ڕێگەخۆشکەربێت بۆ دەستپێکردنەوەی گەشتە نێودەوڵەتیەکانی دیکەش ھاوشێوەی پێشتر ".

لەلایەکی دیکەشەوە عادل نوری پەرلەمانتاری کورد لەبەغدا ناوەڕۆکی چەند نوسراوێکی عیراقی سەبارەت بەھەردوو فڕۆکەخانەکەی ھەرێم لەڕێگەی SNNوە بڵاوکردەوەو وتی:"بڕیارەکەی حکومەتی عیراق لەقۆناغی یەکەمدا بۆ گواستنەوەی عومرەکارانە، بەجۆرێک عومرەکارانی ھەرێم لەفڕۆکەخانەکانی ھەولێرو سلێمانیەوە ڕاستەوخۆ بەرەو سعودیە بەڕێدەکەون".

وتیشی:"ئێستاش ئەو بڕیارە لەبەرژەوەندی ھەرێمە بەوەی، درزێک خراوەتەسەر بڕیاری ڕاگرتنی گەشتە نێودەوڵەتییەکان، لەدواتردا شتی دیکەشی بەدواوە دەبێت".


SNN:

 هەفتە پێشتر - Feb 13 2018 1:19PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2016 SNN. All Rights Reserved.