هەواڵ
بڕیارێكی نوێ له‌باره‌ی هه‌ڵگرتنی چه‌ك ده‌درێت
وه‌زاره‌تی ناوخۆی حكومه‌تی هه‌رێم بڕیارێكی نوێ له‌باره‌ی موڵه‌تی هه‌ڵگرتنی چه‌ك ده‌رده‌كات و به‌پێی بڕیاره‌كه‌، بۆ وه‌رگرتنی مۆڵه‌ت بڕی 100 هه‌زار دینار وه‌رده‌گیرێت و بۆ هه‌ر رۆژێكیش دواكه‌وتنی نوێكردنه‌وه‌ی مۆڵه‌ته‌كه‌، 3 هه‌زار دینار غه‌رامه‌ ده‌كرێت.

به‌پێی فه‌رمانی ژماره‌ (3)ی ساڵی 2018ی وه‌زاره‌تی ناوخۆ كه‌ له‌ڕۆژی 24ی 1ی 2018 له‌وه‌قایعی كوردستان بڵاوكراوه‌ته‌وه‌، رێنمایی ژماره‌ (3)ی ساڵی 2015ی تایبه‌ت به‌ڕێكخستنی پێدانی مۆڵه‌تی هه‌ڵگرتن و هه‌بوونی چه‌ك، هه‌مواركراوه‌ته‌وه‌.
به‌گوێره‌ی رێنماییه‌ نوێیه‌كه‌، له‌به‌رامبه‌ر پێدانی مۆڵه‌تی هه‌ڵگرتن و هه‌بوونی چه‌ك بۆ یه‌كه‌مجار، بڕی (100) هه‌زار دینار له‌هه‌ر كه‌سێك وه‌رده‌گیرێت.
هه‌ر له‌ڕێنماییه‌كه‌دا هاتووه‌، بۆ نوێكردنه‌وه‌ی مۆڵه‌تی هه‌ڵگرتن و هه‌بوونی چه‌ك، بڕی (60) هه‌زار دینار وه‌رده‌گیرێت.
له‌ڕێنماییه‌كه‌دا ئاماژه‌ به‌وه‌شكراوه‌ كه‌ پێویسته‌ له‌دوای به‌سه‌رچوونی مۆڵه‌ته‌كه‌، له‌ماوه‌ی (90) رۆژدا مۆڵه‌تی هه‌ڵگرتن و هه‌بوونی چه‌ك نوێبكرێته‌وه‌، ئه‌گه‌ر له‌ڕۆژی داواكردنی نوێكردنه‌وه‌كه‌ بۆ ماوه‌ی یه‌ك مانگ نوێنه‌كرێته‌وه‌، ئه‌وكاته‌ بڕی سێ هه‌زار دینار بۆ هه‌ر رۆژێك دواكه‌وتن له‌خاوه‌ن مۆڵه‌ته‌كه‌ وه‌رده‌گیرێت.



SNN:

به‌شی هه‌واڵ

 هەفتە پێشتر - Feb 13 2018 8:09PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2016 SNN. All Rights Reserved.