هەواڵ
یەکێتی و پارتی ھۆشداری دەدەن .. لەبارەی پڕۆژە چاکسازییەکەوە
یەکێتی و پارتی لەبارەی دواخستنی پڕۆژەیاسای خانەنشینی و دەرماڵەو بەخشینەکانەوە ھاتنەدەنگ و بڕیاردەری فراکسیۆنی یەکێتیش رایدەگەیەنێت"نامانەوێت لەدەرگاوە پارە بە فەرمانبەران بدرێت و لەپەنجەرەشەوە لێی وەربگیرێتەوە"، سەرۆکی فراکسیۆنی پارتیش داوای کۆبوونەوەی نائاسایی پەرلەمان دەکات.

خەڵەف ئەحمەد بڕیاردەری فراکسیۆنی یەکێتی لەپەرلەمانی کوردستان، بەSNNی راگەیاند: وەکو فراکسیۆنی یەکێتی جەخت لەوە دەکەینەوە کە پڕۆژە یاسای چاکسازی خانەنشینی و دەرماڵەو موچەو بەخشینەکان تێپەڕێنرێت، بەڵام نامانەوێت لەدەرگاوە پارە بدرێت بەفەرمانبەران و لە پەنجەرەوە لێی وەربگیرێتەوە، وەکو ئاماژەیەک بۆ بڕینی دەرماڵەی فەرمانبەران.

وتیشی"نامانەوێت پڕۆژەکە لەم کاتی ململانێیەدا کە کەشێکی سیاسی ناجێگیرە، قووتی ھاووڵاتی بکەین بەقوربانی ململانێی سیاسی و حزبی و بانگەشەی ھەڵبژاردن، بەڵام ئەگەر بزانین کەشەکە لەبارە، ئەوە لەگەڵ ئەوەداین بەزووترین کات دانیشتنی پەرلەمان بۆ پەسەندکردنی پڕۆژەیاساکە بەڕێوەبچێت".

ھاوکات، ئومێد خۆشناو سەرۆکی فراکسیۆنی پارتی لەپەرلەمانی کوردستان، لەکۆنگرەیەکی رۆژنامەوانیدا کە پەیامنێری SNN ئامادەیبوو، وتی"ئێستا لەخەڵک تێگەیەنراوە کە یەکێتی و پارتی دژی پڕۆژە یاسای چاکسازییەکەن و پاشگەزبوونەتەوە، بۆیە ھاووڵاتیان دڵنیا دەکەینەوە کە ئەوە راست نییەو داوای کۆبونەوەی تری سەرۆکایەتی پەرلەمان و فراکسیۆنەکان دەکەن، بۆئەوەی وادەی کۆبوونەوەی نائاسایی پەرلەمان لەماوەی ھەفتەیەکدا بکرێت و پڕۆژەکە پەسەند بکرێتەوە".


SNN:

بەشی ھەواڵ

 هەفتە پێشتر - Apr 16 2018 12:50PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2016 SNN. All Rights Reserved.