هەواڵ
تائێستا گەشتەكانی ئەم وڵاتانە لەگەڵ سلێمانیدا دەستی پێنەكردۆتەوە
تائێستا چەندین وڵات گەشتە ئاسمانیەكانی لەگەڵ فڕۆكەخانەی نێودەوڵەتی سلێمانی دەستپێنەكردۆتەوە، بەڕێوبەری فڕۆكەخانەكەش روونكردنەوە دەدات و رایدەگەیەنێت: "دەستپێكردنەوەی گەشتەكان كاریكی ئاسان نییە".

تاهیر عەبدوڵڵا بەڕێوەبەری گشتیی فڕۆكەخانەی نێودەوڵەتیی سلێمانی، بەSNNی راگەیاند: لەدوای كردنەوەی گەشتی نێودەوڵەتی فڕۆكەخانەكانی هەرێم(سلێمانی و هەولێر) لەلایەن حكومەتی عیراقەوە، تائێستا گەشتی ئاسمانیی وڵاتی وەك(ئێران، سوریا، توركیا، سویدو ئەڵمانیا) لەگەڵ سلێمانیدا دەستیپێنەكردۆتەوە.

رۆژی 14ی 3ی 2018، حكومەتی عیراق بڕیاریدا بەدەستپێكردنەوەی گەشتی نێودەوڵەتی هەردوو فڕۆكەخانەی سلێمانی و هەولێر، كە بەهۆی ریفراندۆمەوە بۆماوەی نزیكەی پێنج مانگ راگیرابوون.

لەبارەی هۆكاری دەستپێنەكردنەوەی گەشتەكان، تاهیر عەبدوڵڵا ئاشكرایكرد:دەستپێكردنەوەی گەشتەكان كاریكی ئاسان نییە، چونكە پێویستی بەرێوشوێنی كارگێڕی و رەزامەندی و رێكخستنەوەی گەشتەكان و فڕۆكەكان و هاتنەوەی ستافی كۆمپانیاكانی فڕۆكەوانی هەیە.


SNN:

خێڵان ڕەئوف

 هەفتە پێشتر - Apr 16 2018 3:50PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2016 SNN. All Rights Reserved.