هەواڵ
لەسەر لابردنی پاشكەوت و موچەی خانەنشینی دارایی زانیاریەكی نوێ ئاشكرادەكات
لیژنەی دارایی لە پەرلەمانی كوردستان چەند زانیاریەكی نوێ لەبارەی كاتی لابردنی سیستمی پاشكەوتی موچە لەسەر فەرمانبەران ئاشكرادەكات و ئەندامێكی لیژنەكەش تەئكیددەكاتەوە چاوەڕوانی دوایین وەڵامی وەزارەتی دارایی سەبارەت بەلابردنی پاشكەوتەكە و موچەی خانەنشینان دەكەن.

مەدینە ئەیوب ئەندامی لیژنەی دارایی لە پەرلەمانی كوردستان لەلێدوانێكدا بۆSNNرایگەیاند: تائێستا هیچ وادەیەك بۆلابردنی سیستمی پاشەكەوت لەسەر موچەی فەرمانبەران دیارینەكراوە، بەڵام ئەو بابەتە بەستراوەتەوە بەیەكلاكردنەوەی یاسایی چاكسازی و خانەنشینیوە.

ئاشكراشیكرد، لەئێستادا چاوەڕوانی ئامادەبوونی وەزیری دارایی لەپەرلەمانی كوردستان دەكەن كە بێتە پەرلەمانی كوردستان رونكردنەوە لەسەر تەواوی داهات و خەرجیەكان بدات، كەئاخۆ دەتوانرێت لەم قۆناغەدا پاشكەوتی موچە هەڵبگیرێت یاخود گۆڕانكاری دیكە لەرێژەكەدا بكرێت و كەمتر بكرێتەوە.

رونیشیكردەوە ئەگەر وەزیری دارایی لەكاتی گفتوگۆكردن لە یاسای چاكسازی و خانەنشینیدا ئامادەی دانیشتنەكەبێت ئەوا بابەتی پاشكەوتی موچە و كەمترین موچەی خانەنشینی كە ئاخۆ حكومەت دەتوانێت كار بە یاسای خانەنشینی یەكگرتوی عیراق بكات لەبەرژەوەندی خانەنشینان و ئەو بابەتە یەكلادەكەینەوە.

راشیگەیاند: پێویستە وەزیری دارایی تەواوی زانیارییەكان لەسەر كۆی داهات و خەرجیەكان ئاشكرابكات، ئەو كات ئێمەش پێشنیازەكانی خۆمان سەبارەت بەپاشكەوتی موچە و خانەنشینان ئاڕاستەی وەزارەتی دارایی لە بەرژەوەندی موچەخۆران دەكەین.


SNN:

سامان بەختیار

  4 مانگ پێشتر - Jul 11 2018 4:50PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.