هەواڵ
مۆڵەتی بێموچە بەخزمەت ئەژمار ناكرێت .. مامۆستایان بێبەشدەكرێن
وەزارەتی پەروەردە روونكردنەوە لەسەر مۆڵەتی بێموچە بۆ مامۆستایان دەدات، بەرپرسێكی وەزارەتەكەش رایدەگەیەنێت: تائێستا هیچ بڕیارێك نییە بۆئەوەی مۆڵەتی بێموچەی مامۆستایان بەخزمەت ئەژمار بكرێت، بەڵام هەركاتێك بڕیارەكە لەئەنجومەنی وەزیرانەوە دەرچوو، هەموو ساڵەكان بەیەكەوە بەخزمەت ئەژمار دەكرێن.

بەگوێرەی نووسراوی ژمارە(8247)ی وەزارەتی پەروەردە كە رۆژی 9ی ئەم مانگە بڵاوكراوەتەوە، مەرجەكانی مۆڵەتی بێموچە بۆ مامۆستایانی هەردوو قۆناغی(ئامادەیی و بنەڕەتی) راگەیەنراوە، بەڵام ئاماژەبەوەنەكراوە ئەو مۆڵەت بەخزمەتی ئەژمار دەكرێت یان نا، ئەمەش لەكاتێكدایە مۆڵەتی 5 ساڵەی بێموچە بۆ فەرمانبەران بەخزمەت ئەژمار دەكرێت.

ئەحمەد گەل بەڕێوەبەری گشتی فێركردنی ئامادەیی و پیشەییەكان لەوەزارەتی پەروەردەی حكومەتی هەرێم، بەSNNی راگەیاند: هەتاوەكو ئێستا مۆڵەتی بێموچە بۆ مامۆستایان بەخزمەت ئەژمار ناكرێت.

وتیشی:"بیستومانە لەئەنجومەنی وەزیرانی هەرێمەوە بڕیارێك دەردەچێت تایبەت بەئەژماركردنی مۆڵەتی بێموچەی مامۆستایان بەساڵی خزمەت".

ئەو بەرپرسەی وەزارەتی پەروەردە، راشیگەیاند: هەركاتێك ئەو بڕیارەمان بەدەست بگات، ئەوكاتە هەموو ئەو مامۆستایانەی لەڕابردووشدا مۆڵەتی بێموچەیان پێدراوە لەگەڵ ئەوانەی داهاتوو پێیاندەدرێت، بەسەریەكەوە خزمەتەكەیان بۆ ئەژمار دەكرێت.


SNN:

شاهۆ خوارەحم

  3 مانگ پێشتر - Jul 11 2018 7:40PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.