هەواڵ
بافڵ تاڵەبانی پەیامێك ئاڕاستەی پارتی دەكات
بافڵ تاڵەبانی رایدەگەیەنێت لەگەڵ پارتی كۆبوونەوە ئەنجامبدەن تەواوی كێشەكان چارەسەر دەبێت و ئاشكراشیكردەكات بەزووترین كات پۆستی پارێزگاری كەركووك وەردەگرینەوە و دەشڵێت: كورد بەیەكەوە بێت هەمووشتێك دەتوانێت بكات.

بافڵ تاڵەبانی لە شاری بەغدا لەلێدوانێكی رۆژنامەوانیدا، رایگەیاند: دەبێت هەموو لایەنە كوردستانییەكان یەكبگرنەوە بە یەكڕیزی و یەكدەنگی دەتوانین بەرگری لە خۆمان بكەین و مافەكانی كورد زامن بكەین.

وتیشی: بەزووترین كات پۆستی پارێزگاری كەركوكیش وەردەگرینەوە و ئەگەر لایەنە سیاسییەكان رێكبكەوین و لەگەڵ برایانی پارتی دابنیشین كێشەكان هەمووی چارەسەر دەبێت.

بافڵ تاڵەبانی لەو لێدوانەیدا بۆ رووداو، سەبارەت بەپەیوەندییەكانیان لەگەڵ لایەنەكان، وتیشی: پەیوەندییەكانمان زۆر باشە، هەرگیز ئەم شتانە بە شتی شەخسی وەرناگرین، سیاسەت سیاسەتە، جەنابی كاك مەسعود بەڕێزە وەكو مامی خۆمە، هەموو ئەو برادەرانە ئیحترامێكی تایبەتمان هەیە و عیلاقەكەشمان زۆر زۆرباش دەبێت لەگەڵ هەموو حزبەكان نەك هەر لەگەڵ پارتی دیموكراتی كوردستان، لەگەڵ گۆڕان و لەگەڵ هەموو لایەك، كورد یەكبگرێت، كورد بەیەكەوە بێت هەمووشتێك دەتوانێت بكات، كەس ناتوانێت رێمان لێبگرێت، كە ئێمە بەیەكەوەنین ئەوسا خەڵك فرسەت دەبینێت و زەرەرمان لێدەدات.


SNN:

بەشی هەواڵ

  2 مانگ پێشتر - Oct 11 2018 3:09PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.