هەواڵ
مەترسییەكانی كۆچی بەلێشاو ئاشكرادەكرێت.. زانیاری نوێ بڵاودەكرێتەوە
گەڕان و پشكنین بۆ تەرمی ئەو كۆچبەرانەی لە دەریای ئیجەدا نقومبوون بەردەوامە، سەرۆكی فیدراسیۆنی سەراسەری پەنابەرانی عیراقیش هۆشداری لەدەستپێكردنەوەی كۆچی بەلێشاو دەدات و ڕایدەگەیەنێت: 14 ناومان لەلا تۆماركراوە كە لەیەختەكەدابوون و چارەنوسیان نادیارە، دوای ناسینەوەیان، ئامادەكاری بۆ هێنانەوەی تەرمەكانیان دەكرێت.

شەوی 9ی ئەم مانگە، یەختێك كە 35 كۆچبەری هەڵگرتبوو، لەدەریای ئیجەی نێوان توركیاو یۆنان نقومبوو، تەنها یەكێك لەكۆچبەرەكان ڕزگاری بوو.

ئاری جەلال، سەرۆكی فیدراسیۆنی سەراسەری پەنابەرانی عیراق، بە SNNی ڕاگەیاند: نوێنەرمان ڕاسپاردووە سەردانی پزیشكی دادی شاری ئیزمیر بكات بۆ بەدواداچوون لەرووداوی نقومبوونی یەختەكەی ئیجەو میكانیزمی هێنانەوەی تەرمەكان، بەڵام ئەوەی تا ئێستا دەركەوتوە، لەو 35 كەسەی لەیەختەكەدا بوون، یەك كەسیان ڕزگاری بووەو تەرمی 15 كۆچبەری تریش دۆزراونەتەوە.

وتیشی:" نوینەرمان لەگەڵ تیمەكانی پۆلیسی دەریاوانی توركیدا بەردەوامن لە گەڕان و بەدواداچوون بۆ دۆزینەوەی بێ سەروشوێن بوانی ئەو رووداوە".

بەوتەی ئاری جەلال، تا ئێستا ناسنامەی تەرمی ئەو كۆچبەرانەی دۆزراونەتەوە، دیار نییەو دەشڵێت: "14 كەس لە سەرنشینانی یەختەكە ناویان لەلای ئێمە تۆماركراوە كە كوردن و خەڵكی هەرێمی كوردستانن".

هۆشداریش لەبارەی دەستپێكردنەوەی دیاردەی كۆچ دەدات و دەڵێت: "لەئێستادا كە كۆچی بەلێشاوی كۆچبەران دەستیپێكردۆتەوە، بەهۆی وەرزی بارانبارینەوە شەپۆلی دەریا زۆربووەو مەترسی زۆر لەسەر ئەو كۆچبەرانەش دروستدەبێت كە هەوڵی پەڕینەوە بۆ كەناراوەكانی یۆنان دەدەن".


SNN:

ڕەنج تاڵیب

  2 مانگ پێشتر - Oct 11 2018 6:19PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.