هەواڵ
لەسەر دزینی پارەی مامۆستایان چەند بەڕێوەبەرێك دەستگیر دەكرێن
لەسەر رووداوی دزینی پارەی مامۆستایانی ژمارەیەك خوێندنگەی خوێندنی كوردی لە خورماتوو، بەڕێوەبەرانی حەوت خوێندنگەی ئەو شارە دەستگیر دەكرێن.

ماڵپەڕی بغداد الیوم بڵاویكردۆتەوە، بۆ لێكۆڵینەوە لە هۆكاری دزینی پارەی مامۆستایانی چەند خوێندنگەیەكی خورماتوو، حەوت بەڕێوەبەری خوێندنگەی ئەو شارە لەلایەن پۆلیسەوە دەستگیركران.

ماڵپەڕەكە ئاشكرایكردووە، لەئێستادا ئەو بەڕێوەبەرانە لە پۆلیسی ناحیەی زنانە دەستبەسەرن، تا تەواوبوونی لێكۆڵینەوە لە رووداوەكە.

دوێنێ 10ی 10ی 2018، لەناوچەیەكی نێوان كەلار و خورماتوو، چەند بەڕێوەبەرێكی خوێندنگەی خوێندنی كوردی لە خورماتوو، كە موچەی مامۆستایانیان پێبووە، لەلایەن چەند چەكدارێكی نەناسراوەوە رێگەیان لێگیراوەو سەرجەم پارەكەشیان لێ بردوون، كە بڕەكەی بە زیاتر لە 100 ملیۆن دینار مەزەندە دەكرێت.


SNN:

بەشی هەواڵ

  2 مانگ پێشتر - Oct 11 2018 10:16PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.