هەواڵ
سزای توند بۆ ئەم كەسانە دەردەچێت
پۆلیسی سلێمانی لەسەر ئەو تاوانانە دێتە دەنگ كە بە جلەبەرگی سەربازییەوە ئەنجامدەدرێن، بەرپرسێكی ئەو بەڕێوەبەرایەتییەش رایدەگەیەنێت: سزای ئەو كەسانە قورسترەو بەروردی چاودێری ئەو شوێنانەش دەكەن كە جلوبەرگی سەربازی لێ دەفرۆشێت.

سەركەوت ئەحمەد، بەڕێوەبەری ڕاگەیاندن و پەیوەندییەكانی پۆلیسی سلێمانی، بە SNNی ڕاگەیاند: بەهیچ شێوەیەك جلوبەرگی سەربازی بە كەسانی مەدەنی نافرۆشرێت، خاوەنی ئەو فرۆشگایانەش كە ئەو جۆرە جلوبەرگانە دەفرۆشن، تا دڵنیانەبنەوە لەناسانامەی كڕیارەكان كە كارمەندی پۆلیس یان ئاسایش، یاخود پێشمەرگەیە، جلەكانی پێنافرۆشێت، بۆیە چاودمان لەسەر دوكان و بازاڕەكانی فرۆشتنی جلی سەربازییە.

سەركەوت ئەحمەد وتیشی: ئەو كەسانەی كە بەجلوبەرگی سەربازییەوە تاوان ئەنجام دەدەن، سزاكەیان لە كەسانی دیكە قورسترەو لەلایەن دادوەرەوە بڕیاری لەسەر دەدرێت، چونكە جگە لەوەی تاوانێكی ئەنجامداوە، هاوكات خۆیشی وەك كارمەندی هێزێكی ئەمنی ناساندووە،

ئەوەشی خستەڕوو، هەركەسێكیش جلوبەری سەربازی بدات بە كەسێكی مەدەنی، ئەگەر بەنییەتی خراپ پێی بدات و بزانێت كاری نایاسایی و خراپی پێوەدەكات، بەدڵنیاییەوە ئەویش تووشی لێپێچینەوەی یاسایی دەبێت.


SNN:

سۆران سەعید

 هەفتە پێشتر - Nov 8 2018 7:02PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.