هەواڵ
شارەوانی سلێمانی ئاگاداری دانیشتوانی ئەم گوندانە دەكاتەوە
سەرۆكایەتی شارەوانی سلێمانی، دواین وادە بۆ پڕكردنەوەی فۆڕمی زانیاری بۆ ئەو گوندانە دیاری دەكات، كە كەوتوونەتە ماستەرپلانی شارەوانییەوە، بەرپرسێكی شارەوانیش رایدەگەیەنێت: دوای ئەو وادەیە، هیچ مامەڵەیەك وەرناگیرێت.

مانگی 10ی ڕابردوو شارەوانی سلێمانی ئاگاداری دانیشتوانی هەریەك لەگوندەكانی‌ (مەلا داود، خێوەتە، كانی‌ بەردینە، كەڵەكن، قولەرەیسی‌ خواروو، قولەرەیسی‌ سەرو، خەلیفاوا، باوەگێلدی‌، ئاوبارە، كانی‌ گۆمە، كەنەسورە، قڕگە، ژاڵەی‌ خواروو، ژاڵەی‌ سەروو، ڕازیانەی‌ نوێ‌، ڕازیانەی‌ كۆن، بەردەكەڕ، سەماوات، شێخ وەیساوا، قەرەتۆغان، كانی‌ شینكە، هوانە، ناوگردان) كرد كە نەخشەكانیان پەسەندكراوە و تا 27ی 11ی 2018 پێویستە سەردانی شارەوانی بكەن بۆ پڕكردنەوەی فۆڕمی زانیاری، بەڵام بەشێك لەو هاوڵاتیانە تائێستا فۆڕمیان پڕنەكردووەتەوە و شارەوانیش وادەكەی درێژكردەوە.

ئاری محەمەد، سەرۆكی لیژنەی فۆڕمی گوندەكان لەشارەوانی سلێمانی، بە SNNی ڕاگەیاند: بەهۆی ئەوەی بەشێك لەو هاوڵاتیانە فریانەكەوتوون و بەهەر هۆكارێك بێت فۆڕمیان پڕنەكردووەتەوەو وادەكەشی كە 27ی مانگی 11 بوو تەواوبووە، بۆیە ڕەزامەندی سەرۆكی شارەوانی سلێمانیمان وەرگرتووەو وادەكەی درێژكراوەتەوە بۆ 31ی 12ی 2018.

وتیشی: دوای ئەو بەروارە، هیچ فۆڕمێك پڕناكرێتەوەو هیچ مامەڵەیەكیان بۆ ناكرێت، بۆیە ئەوانەی تائێستا فۆڕمیان پڕنەكردووتەوە پێویستە سەردانی شارەوانی بكەن.

ئاماژەی بەوەشكرد، قۆناغی دوای پڕكردنەوەی فۆڕمەكە، تاپۆكردنی زەوییەكانی ئەو گوندانەیە.


SNN:

سۆران سەعید

 هەفتە پێشتر - Dec 6 2018 3:40PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.