هەواڵ
دابه‌شكردنی‌ موچه‌ی‌ مانگی‌ یانزه‌ ده‌ستپێده‌كات
دابه‌شكردنی‌ موچه‌ی‌ مانگی‌ یانزه‌ی‌ ساڵی‌ رابردووی فه‌رمانبه‌ران ده‌ستپێده‌كات و به‌گوێره‌ی‌ زانیارییه‌كانیش تائێستا هیچ بڕیارێك بۆ پێشخستنی‌ موچه‌كانیان له‌م مانگه‌ نه‌دراوه‌ و هاوكات په‌یامێكیش ئاڕاسته‌ی‌ خانه‌نشینانی سه‌ربازی و مه‌ده‌نی‌ له‌باره‌ی‌ موچه‌كانیانه‌وه‌ ده‌كرێت.

به‌گوێره‌ی‌ ئه‌و زانیاریانه‌ی‌ له‌ یه‌كێك له‌ بانكه‌كانه‌وه‌ به‌SNNدراون،  له‌دوێنێوه‌ ده‌ستكراوه‌ به‌دابه‌شكردنی‌ موچه‌ی‌ مانگی‌ یه‌كی‌ ساڵی‌ 2018ی خانه‌نشینانی‌ مه‌ده‌نی‌ و سه‌ربازی و چاوه‌ڕوانیشده‌كرێت له‌زووترین كاتدا كۆتایی به‌ دابه‌شكردنی‌ موچه‌ی‌ خانه‌نشینی بهێنرێت.

له‌زانیارییه‌كاندا ئه‌وه‌شخراوه‌ته‌ڕوو، دوای‌ كۆتاییهاتنی‌ موچه‌ی‌ مانگی‌ 10ی ساڵی ڕابردوو ده‌ست به‌دابه‌شكردنی‌ موچه‌ی‌ مانگی‌ یانزه‌ ده‌كرێت و تائێستاش هیچ بڕیارێك نه‌دراوه‌ بۆ پێشخستنی‌ موچه‌ی‌ مانگی‌ یانزه‌ی‌ فه‌رمانبه‌ران و خانه‌نشینان، به‌ڵكو له‌4و 5ی مانگی‌ شوباتی ئه‌مساڵدا ده‌ست به‌دابه‌شكردنی‌ موچه‌ی‌ مانگی‌ 11ی ساڵی ڕابردووی فه‌رمانبه‌ران ده‌كرێـت.

له‌زانیارییه‌كانی‌SNNدا ته‌ئكیدكراوه‌ته‌وه‌، خانه‌نشنیانی‌ مه‌ده‌نی‌ و سه‌ربازی موچه‌ی‌ مانگی دووی ساڵی رابردوو وه‌رگرتن كاتێك كه‌ فه‌رمانبه‌ران موچه‌ی‌ مانگی‌ 11ی ساڵی رابردوویان پێده‌درێت، چاوه‌ڕوانیشده‌كرێت تا23ی 2ی 2019 كۆتایی به‌دابه‌شكردنی موچه‌ی‌ مانگی‌ یانزه‌ی‌ ساڵی رابردووی فه‌رمانبه‌ران بهێنرێت.


SNN:

سامان به‌ختیار

  3 مانگ پێشتر - Jan 24 2019 12:43PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.